Hjúkrunarfræðingur óskast á meltingar- og nýrnadeild
Hjúkrunarfræðingur óskast á meltingar- og nýrnadeild
Við viljum ráða hjúkrunarfræðing til starfa á meltingar- og nýrnadeild 12E við Hringbraut. Um er að ræða starf í vaktavinnu og er ráðið í starfið frá 15. október 2020 eða eftir samkomulagi.
Deildin er 19 rúma legudeild og þjónar sjúklingum með bráða og langvinna sjúkdóma í meltingarfærum og nýrum. Lögð er áhersla á að skapa uppbyggjandi starfsumhverfi og veita einstaklingshæfða hjúkrun.
Á deildinni starfa um 60 manns í þverfaglegu teymi. Mjög góður starfsandi er ríkjandi og ótalmörg tækifæri eru til að vaxa í starfi og styðja við umbætur í þjónustu við skjólstæðinga okkar. Áhugasömum er velkomið að hafa samband við Kristínu deildarstjóra.
Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).
Helstu verkefni og ábyrgð
» Sérhæfð hjúkrun meltingar- og nýrnasjúklinga
» Skipuleggja hjúkrun sjúklinga og skrá meðferðir í samræmi við reglur spítalans
» Fylgjast með nýjungum í faginu
» Þátttaka í þverfaglegri teymisvinnu
» Þátttaka í þróun og umbótum í starfsemi deildarinnar
Hæfnikröfur
» Góð samskiptahæfni
» Faglegur metnaður
» Sjálfstæði og frumkvæði í starfi
» Íslenskt hjúkrunarleyfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Handleiðsla og fræðsla á starfsþróunarári (myndskeið)
Starfshlutfall er 60 - 100%
Umsóknarfrestur er til og með 05.10.2020
Nánari upplýsingar veitir
Kristín Lilja Svansdóttir - [email protected] - 543 6103
Landspítali
Meltingar- og nýrnadeild
Hringbraut
101 Reykjavík
Smellið hér til að sækja um starf