Sérfræðingur í rannsóknum í félagsvísindum

Sérfræðingur í rannsóknum í félagsvísindum (tímabundin ráðning)

LÝSING:
Gæðaráð íslenskra háskóla (www.qef.is/about-us/) vinnur að áhrifamati á Rannsóknasjóði (www.rannis.is/sjodir/rannsoknir/rannsoknasjodur) og leitar að sérfræðingi á sviði félagsvísinda með haldgóða reynslu af megindlegum og eigindlegum rannsóknum í það verkefni. Verkefnið er unnið af umræddum sérfræðingi undir yfirstjórn Gæðaráðsins sem er skipað erlendum sérfræðingum. Verkefnið felur í sér að meta áhrif sjóðsins með rannsóknaraðferðum félagsvísinda, þar á meðal könnunum, viðtölum og vinnu með gagnagrunna. Verkefnið er metið sem u.þ.b. hálft starf í 12 mánuði í verktöku (1.000 klst) og felur í sér verkstjórn tveggja annarra verktaka.

HELSTU VERKEFNI OG ÁBYRGÐ:
• Þróun og umsjón með framkvæmd kannana og viðtala
• Eftirfylgni með framvindu kannana og viðtala
• Hönnun gagnagrunna eftir þörfum og úrvinnsla gagna úr fyrirliggjandi gagnagrunnum
• Ákvarðanir um viðeigandi tölfræðilegar aðferðir
• Gerð og kynning greininga og samantekta á niðurstöðum matsins
• Skrif skýrslna um niðurstöður matsins
• Verkstjórn tveggja verktaka sem eru ráðnir í hlutastarf

HÆFNIKRÖFUR:
• Reynsla af stjórnun megindlegra og eigindlegra rannsókna 
• Reynsla af umsýslu gagnasöfnunar
• Færni í greiningar- og tölfræðihugbúnaði (t.d. SPSS, SAS, The MathWorks MATLAB)
• Framúrskarandi færni í ensku (tal- og skrifmáli)
• Þekking á algengum bókfræðilegum mælikvörðum (æskileg)
• Þekking og reynsla af áhrifamati (æskileg)

AÐRAR UPPLÝSINGAR:
Upphaf ráðningartíma er eftir samkomulagi.
Greidd eru verktakalaun skv. samkomulagi.
Ferilskrá á íslensku sem hefur m.a. að geyma ítarlegar upplýsingar um menntun, fyrri störf og 2 umsagnaraðila, sem og kynningarbréf þar sem hæfni viðkomandi umsækjanda í starfið er rökstudd skal fylgja umsókn.
Umsóknir sendist á netfangið [email protected].

Nánari upplýsingar um starfið veitir Sigurður Óli Sigurðsson ([email protected])

Umsóknarfrestur er til og með 10. janúar 2020.