Upplýsingar um kynjahlutfall í nefndum, ráðum og stjórnum ráðuneytisins

Heilbrigðisráðuneytið birtir hér með upplýsingar um hlutföll kynjanna í nefndum, ráðum og stjórnum sem undir það heyra, í samræmi við lög um jafna stöðu og jafnan rétt kynjanna. Samkvæmt lögunum á kynjahlutfall að vera sem jafnast og hlutur hvors kyns ekki undir 40%. Kynjahlutföll í nefndum ráðuneytisins eru í samræmi við ákvæði laganna.

Í meðfylgjandi töflu má sjá hver þróun kynjahlutfallsins hefur verið í nefndum, ráðum og stjórnum ráðuneytisins undanfarin átta ár. Á það skal bent að núverandi heilbrigðisráðuneyti tók til starfa 1. janúar 2019 í kjölfar uppskiptingar velferðarráðuneytisins. Upplýsingarnar í töflunni fyrir þann tíma taka til nefnda, ráða og stjórna sem skipaðar hafa verið af heilbrigðisráðherra.