Íslensk myndlist kynnt í Nýju-Delhí.

Rósa Gísladóttir myndlistarkona kynnti verk sín í Þjóðarlistasafninu (National Gallery of Modern Art) í Nýju-Delhí 23. apríl 2024. Ræddi hún m. a. sýningar í Listasafni Einars Jónssonar og Ásmundarsafni 2022, Foro di Trajano í Róm 2012 og nýjustu sýninguna í Gerðarsafni 2023, þar sem hugmyndir um fórnina fyrr og síðar hefðu verið megininntakið. Ræddi hún einnig þau áhrif, sem Indland, indversk menning, byggingarlist og stjörnufræði hefði á hugmyndir sínar. Líflegar umræður fóru fram að kynningunni lokinni, m. a. um myndlist og umhverfið. Dr. Sanjeev Kishor Goutam forstjóri safnsins flutti inngangsorð ásamt Guðna Bragasyni sendiherra í Delhi.