Árlegum viðræðum sendinefndar Alþjóðagjaldeyrissjóðsins við íslensk stjórnvöld og aðra hagaðila lokið

Alþjóðagjaldeyrissjóðurinn birti í dag álit sendinefndar sinnar (e. Concluding Statement) eftir viðræður við íslensk stjórnvöld og aðra hagaðila síðustu tvær vikur. Viðræðurnar voru hluti af árlegri úttekt sjóðsins á stöðu og horfum í íslensku atvinnulífi (e. Article IV Consultation).

Hliðstæðar úttektir eru gerðar á hverju ári í öllum aðildarlöndum sjóðsins. Formaður sendinefndar sjóðsins að þessu sinni var Magnus Saxegaard.

Skýrslurnar sem samdar verða í kjölfar heimsóknarinnar verða birtar í byrjun júlí eftir umfjöllun í framkvæmdastjórn sjóðsins.

• Sjá nánar í lauslegri þýðingu álit sendinefndar Alþjóðagjaldeyrissjóðsins:
  Álit sendinefndar Alþjóðagjaldeyrissjóðsins í kjölfar úttektar á íslensku efnahagslífi árið 2024 (e. Article IV Mission).

• Álit sendinefndarinnar (á ensku) Iceland: Staff Concluding Statement of the 2024 Article IV Consultation
• Efni um Ísland á vef Alþjóðagjaldeyrissjóðsins