Sjúkraliði - skilunardeild

Sjúkraliði óskast á skilunardeild

Við viljum ráða sjúkraliða til fjölbreyttra starfa á skilunardeild Landspítala. Um er að ræða 2 störf og er annað starfið tímabundið til eins árs. Starfshlutfall er samkomulag og eru störfin laus frá 1. mars 2020 eða eftir samkomulagi. Við bjóðum jafnt velkomna sjúkraliða sem búa yfir þekkingu og reynslu sem og nýútskrifaða. Í boði er einstaklingsmiðuð aðlögun undir leiðsögn reyndra starfsmanna. Einstakt tækifæri til að þróa með sér mikla faglega þekkingu og hæfni í sjálfstæðum vinnubrögðum.

Deildin sinnir einstaklingum með langvarandi eða tímabundna nýrnabilun sem þarfnast skilunarmeðferðar, annað hvort blóðskilun eða kviðskilun. Á deildinni starfa um 30 manns í þverfaglegu teymi. Deildin er opin kl. 8-20 virka daga og kl. 8-16 um helgar. Unnið er á tvískiptum vöktum, frá kl. 8-16 eða kl. 12-20. 
Áhugasömum er velkomið að kíkja í heimsókn á deildina, hafið samband við Selmu deildarstjóra.

Helstu verkefni og ábyrgð
» Þátttaka í meðferð sjúklinga 
» Umönnun og eftirlit með sjúklingum í blóðskilun
» Aðstoð við uppsetningu og frágang á blóðskilunarvélum og skoli
» Umsjón með pöntunum og lager

Hæfnikröfur
» Faglegur metnaður, ábyrgð í starfi og sjálfstæði í vinnubrögðum
» Jákvætt viðmót og góðir samskiptahæfileikar
» Íslenskukunnátta
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60 - 100%
Umsóknarfrestur er til og með 04.02.2020

Nánari upplýsingar veitir
Selma Maríusdóttir - [email protected] - 620 1460
Sif Sigurðardóttir - [email protected] - 543 6315

Landspítali
Skilunardeild
Hringbraut
101 Reykjavík

Smelltu hér til að sækja um starfið