Framkvæmdastjóri fjármála
Heilbrigðisstofnun Suðurlands (HSU) var stofnuð 1. október 2014, í víðfeðmasta heilbrigðisumdæmi landsins, sem nær yfir 30.000 km2 svæði frá Herdísarvík til Hornafjarðar. Heildarframlag til HSU á fjárlögum 2019 er um 5,4 milljarðar króna og hjá stofnuninni starfa um 500 manns. Fjöldi íbúa á svæðinu er ríflega 28.000.
Hlutverk HSU er að leggja grunn að skipulagi almennrar heilbrigðisþjónustu og tryggja íbúum í heilbrigðisumdæmi Suðurlands og öðrum þjónustuþegum aðgang að bestu heilbrigðisþjónustu sem á hverjum tíma er tök á að veita. Kjarnastarfsemi HSU er fólgin í heilbrigðis-þjónustu á sviði heilsugæslu, almennrar sjúkrahúsþjónustu, reksturs sjúkraflutninga og hjúkrunarrýma, auk annarrar stoðþjónustu.
Framkvæmdastjóri fjármála
Heilbrigðisstofnun Suðurlands auglýsir laust til umsóknar starf framkvæmdastjóra fjármála.
Framkvæmdastjóri fjármála er yfirmaður rekstrarsviðs og ber ábyrgð á fjármálum, reikningshaldi, eignum og tækjarekstri. Staðan tilheyrir framkvæmdastjórn og heyrir beint undir forstjóra. Ráðið er í stöðuna til 5 ára samkvæmt 9. gr. laga um heilbrigðisþjónustu nr. 40 frá 2007. Starfið veitist frá 1. ágúst 2019 eða samkvæmt nánara samkomulagi.
Helstu viðfangsefni og ábyrgð:
- Stjórnun og ábyrgð á daglegum rekstri sviðsins
- Ábyrgð á mánaðaruppgjörum og gerð ársreiknings
- Ábyrgð á gerð rekstraryfirlita, eftirfylgni og eftirlit með rekstri
- Ábyrgð á tölfræðiúrvinnslu
- Stjórnunareftirlitskerfi og rýni á rekstur starfstöðva
- Fjárhagsáætlana- og samningagerð
- Samskipti við hagsmunaaðila og stofnanir
- Þátttaka í stjórnun innkaupa
- Umsjón með eignum og búnaði
- Umsjón símavaktar og móttöku
Menntunar- og hæfniskröfur:
- Áhugi á þróun og starfsemi Heilbrigðisstofnunar Suðurlands
- Háskólamenntun á sviði reikningshalds, fjármála, viðskiptafræði eða sambærileg menntun
- Framhaldsmenntun sem nýtist í starfi er æskileg
- Reynsla af reikningshaldi og fjármálastjórn
- Reynsla af áætlanagerð, tölfræði og úrvinnslu gagna
- Reynsla af fjárhagskerfi ríkisins (ORRA)
- Framúrskarandi samskiptahæfileikar
- Framúrskarandi hæfni til að tjá sig í ræðu og riti
- Reynsla af umbótaverkefnum, teymisvinnu og breytingastjórnun
- Frumkvæði, áreiðanleiki, trúmennska og árangurs- og þjónustumiðað viðhorf
Nánari upplýsingar um starfið veita Herdís Gunnarsdóttir forstjóri HSU ([email protected]), í síma 432-2000 og Ari Eyberg ([email protected]), í síma 411-1225. Umsóknarfrestur er til og með 12. júní 2019. Umsókn óskast fyllt út á www.intellecta.is og henni þarf að fylgja ítarleg starfsferilskrá, staðfestar upplýsingar um menntun, fyrri störf og reynslu og kynningarbréf umsækjanda. Laun eru samkvæmt gildandi kjarasamningi stéttarfélags viðkomandi.