Nýdoktor, Lífvísindasetur
Nýdoktor, Lífvísindasetur, Verkfræði- og náttúruvísindasvið Háskóla Íslands
Umsóknarfrestur framlengdur til og með 25. mars nk
Auglýst er eftir nýdoktor í verkefnið "Örvun náttúrulegs ónæmis fyrir hýsil varnir" (e. „Host directed therapy by activating innate immunity“) við Lífvísindasetur Háskóla Íslands. Verkefnið er styrkt af Rannsóknasjóði Háskóla Íslands og RANNÍS. Áætluð byrjun er á vormánuðum 2019 í tvö ár með möguleika á árs framlengingu.
Helstu verkefni og ábyrgð
Verkefnið er vistað hjá Lífvísindasetri HÍ við Verkfræði- og náttúruvísindasvið Háskóla Íslands. Markmið verkefnisins er að skilgreina boðleiðir í frumum sem tengjast náttúrulegu ónæmi manna í þekjufrumum lungna með áherslu á stjórnun á tjáningu örverudrepandi peptíða (antimicrobial peptides (AMPs). Örverudrepandi peptíð frá þekjufrumum mynda varnarvegg gegn örverum. Sýklar deyfa tjáningu örverudrepandi peptíða í þekjunni til að geta ráðist inní vefi okkar. Hægt er að koma í veg fyrir deyfingu á tjáningu varnarpeptíða með litlum sameindum sem hafa áhrif á boðleiðir þekjunnar og efla mótstöðu gegn sýklum. Rannsóknaverkefnið hefur að markmiði að greina áhrif nýrra efna sem örva náttúrulegt ónæmi og virkni þekjunnar. Boðleiðir, umritunarþættir og umritunarmengi þekjufrumna ásamt áhrifum ákveðinna sýkla á þekjuna verða til athugunar.
Fræðilega er verkefnið á mótum frumulíffræði, lífefnafræði og ónæmisfræði og byggt á samstarfi prófessors Gudmundar H. Gudmundssonar (við Lífvísindasetur HÍ) og prófessor Birigitta Agerberth (Karoliska Institute). Nýlegar greinar í forgrunni rannsóknanna eru: 1) Miraglia E et al., Entinostat up-regulates the CAMP gene encoding LL-37 via activation of STAT3 and HIF-1¿ transcription factors. Sci Rep. 2016 Sep 16;6:33274. doi: 10.1038/srep33274, 2) Sarker et al., Phenylbutyrate counteracts Shigella mediated downregulation of cathelicidin in rabbit lung and intestinal epithelia: a potential therapeutic strategy. PLoS One. 2011;6(6):e20637. doi: 10.1371/journal.pone.0020637.
Hæfnikröfur
- Umsækjendur þurfa að hafa doktorsgráðu í líffræði eða lífefnafræði.
- Reynsla af frumuræktunum, sameindalíffræði og lífefnafræði rannsóknavinnu er nauðsynleg
- Innsýn í lífupplýsingafræði og massagreiningar (massspectrometry) er kostur
Færni í ensku í ræðu og riti er skilyrði
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að umsækjandi geti hafið störf í apríl 2019.
Umsókn skal fela í sér: i) ferilskrá (með lista yfir útgefnar vísindagreinar), ii) staðfest afrit af námsárangri í námskeiðum á háskólastigi (BSc, MSc), iii) Titill og útdráttur doktorsritgerðar, iv) hálf blaðsíðu um rannsóknaráhuga umsækjanda og styrkleika, v) hálfa blaðsíðu (hámark) um áhuga á verkefninu og hvað umsækjandi telur sig hafa fram að færa við mótun og vinnslu verkefnisins vi) nöfn þriggja umsagnaraðila og upplýsingar um hvernig má hafa samband við þá (nafn, staða, stofnun, netfang og símanúmer).
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.
Lífvísindasetur Háskóla Íslands (http://lifvisindi.hi.is/) er meginvettvangur rannsókna í frumulíffræði og sameindalíffræði tengdri læknisfræði. Lífvísindasetur Háskólans býður upp á alþjóðlegt rannsóknarumhverfi þar sem erlendum starfsmönnum og nemendum fjölgar ár hvert. Rannsóknaumhverfið er alþjóðlegt með fjölda sérfræðinga í sameindalíffræði, nýdoktora, doktorsnema og meistaranema.
Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.
Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.
Starfshlutfall er 100%
Umsóknarfrestur er til og með 25.03.2019
Nánari upplýsingar veitir
Guðmundur H Guðmundsson - [email protected] - 525 5276
Háskóli Íslands
Líffræðistofa, rannsóknir
Sturlugata 7
101 Reykjavík
Smelltu hér til að sækja um starfið