Hjúkrunardeildarstjóri heila-, tauga- og bæklunarskurðdeildar B6 Fossvogi
Hjúkrunardeildarstjóri heila-, tauga- og bæklunarskurðdeildar B6 Fossvogi
Leitum eftir kraftmiklum stjórnanda til að leiða og efla starfsemi heila-, tauga- og bæklunarskurðdeildar og byggja upp sterka liðsheild. Deildin sinnir sjúklingum eftir skurðaðgerðir á heila, mænu og taugum, bæklunaraðgerðir og slys. Á deildinni er 4 rúma hágæslueining fyrir sjúklinga eftir heilaskurðaðagerðir.
Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. október 2020 eða eftir nánara samkomulagi. Næsti yfirmaður er forstöðumaður skurðlækningaþjónustu.
Helstu verkefni og ábyrgð
» Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni, í nánu samráði við aðra stjórnendur
» Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni í samráði við forstöðumann skurðlækningaþjónustu og mannauðsstjóra
» Fjárhagsleg ábyrgð, þ.e. ábyrgð á rekstrarkostnaði deildarinnar í samráði við forstöðumann skurðlækningaþjónustu og fjármálastjóra
Hæfnikröfur
» Íslenskt hjúkrunarleyfi
» Starfsreynsla sem hjúkrunarfræðingur
» Viðbótarmenntun á háskólastigi sem nýtist í starfi
» Þekking og reynsla af öryggis-, gæða- og umbótastarfi
» Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð
» Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
» Frumkvæði, drifkraftur og stefnumótandi hugsun
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.
Í umsóknarformið skal skrá inn upplýsingar um:
» Fyrri störf, menntun og hæfni
» Félagsstörf og umsagnaraðila
Nauðsynleg fylgiskjöl:
» Vottað afrit af prófskírteinum og starfsleyfum
» Ferilskrá ásamt kynningarbréfi með rökstuðningi fyrir hæfni og sýn á starfið
Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 24.09.2020
Nánari upplýsingar veitir
Margrét Guðjónsdóttir - [email protected] - 825 5006
Hrönn Harðardóttir - [email protected] - 897 5600
Landspítali
Skrifstofa aðgerðasviðs
Hringbraut
101 Reykjavík
Smellið hér til að sækja um starf