Verkefnastjóri almannavarna

Verkefnastjóri almannavarna

Laus er til umsóknar staða verkefnastjóra almannavarna við embætti Lögreglustjórans á Suðurlandi.  Um er að ræða samstarfsverkefni lögreglustjórans og sveitarfélaga umdæmisins.  Starfstöð er á Hvolsvelli.   

Starfsmaðurinn skal hafa yfirumsjón með almannavörnum á Suðurlandi og vinna með lögreglu og sveitarfélögum, almannavarnanefndum þeirra, viðbragðsaðilum, íbúum og öðrum hagsmunaaðilum að gerð viðbragðsáætlana.  Auk þess að hafa umsjón með æfingum og þjálfun á vegum almannavarna.  Hann sér einnig um kynningarstörf sem og annað sem til kann að falla og tilheyrir almannavörnum og önnur verkefni sem honum kunna að vera falin.

Æskilegt er að viðkomandi hafi þekkingu og reynslu af verkefnastjórnun sem og almennt af stjórnun, þekki til starfa almannavarna, lögreglu og sveitarfélaga og hafi þekkingu á umdæminu.  Hann hafi góða tölvukunnáttu, eigi auðvelt með að tjá sig og sé vel ritfær bæði á íslensku og ensku.  Hann búi yfir frumkvæði, sé skipulagður í vinnubrögðum, eigi gott með samskipti og sé lausnamiðaður.

Umsóknarfrestur er til 20. nóvember n.k. og skal umsóknum skilað til Lögreglustjórans á Suðurlandi, Hlíðarvegi 16, 860 Hvolsvelli eða á netfangið [email protected]. 

 Allar nánari upplýsingar veitir Kjartan Þorkelsson lögreglustjóri í síma 444-2000

Æskilegt er að viðkomandi geti hafið störf sem fyrst en þó ekki síðar en 1. janúar 2019.

Hvolsvelli 30. október 2018