Skjalastjóri
Skjalastjóri hjá embætti héraðssaksóknara
Embætti héraðssaksóknara óskar eftir að ráða skjalastjóra til starfa. Um verkefni héraðssaksóknara er vísað til heimasíðu embættisins; www.hersak.is.
Helstu verkefni og ábyrgð skjalastjóra eru:
• Skjalastjórn embættisins; ábyrgð, skipulag og umsjón með þróun skjalastefnu og verklags við skjalastjórn.
• Dagleg skráning innkominna erinda, umsjón með frágangi í skjalasafn og eftirfylgni með skjalaskráningu.
• Ráðgjöf og aðstoð við starfsmenn.
• Framfylgd laga og reglna er gilda um opinber skjalasöfn.
• Umsjón með vinnslu tölfræði úr málaskrám embættisins.
• Umsjón með ytri og innri vef embættisins.
• Vinna við útgáfu- og upplýsingamál.
• Umsjón með bókasafni embættisins.
Hæfniskröfur til starfsins eru:
• Háskólapróf í bókasafns- og upplýsingafræðum.
• Reynsla af skjalastjórn er nauðsynleg.
• Starfsreynsla á þessu sviði hjá opinberri stofnun er kostur.
• Þekking á GoPro skjalastjórnunarkerfi er kostur.
• Reynsla af vefumsjón er kostur.
• Þekking á lögreglukerfinu (LÖKE) er kostur.
• Skipulags- og samskiptahæfni.
Laun eru samkvæmt kjarasamningi fjármálaráðuneytisins og hlutaðeigandi stéttarfélags. Um er að ræða fullt starf og æskilegt er að umsækjandi geti hafið störf sem fyrst.
Umsókn skal hafa borist eigi síðar en 21. janúar 2019 og skal umsókn berast embætti héraðssaksóknara, Skúlagötu 17, 101 Reykjavík. Einnig má senda umsókn með tölvupósti á netfangið [email protected] og skal pósturinn merktur „Umsókn um starf skjalastjóra“. Umsóknir sem berast eftir að umsóknarfresti lýkur verða ekki teknar til greina. Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsækjendum verður svarað þegar ákvörðun um ráðningu hefur verið tekin.
Nánari upplýsingar veitir Ólafur Þór Hauksson, héraðssaksóknari, í síma 444-0150.