Lektor í stjórnun

Lektor í stjórnun–Viðskiptafræði deild- Félagsvísindasvið – Háskóli Íslands

Laust er til  umsóknar fullt starf lektors í stjórnun við Viðskiptafræðideild Háskóla Íslands. Um er að ræða tímabundið starf til tveggja ára. 
Lektornum er ætlað að sinna kennslu í grunn- og meistaranámi og rannsóknum á sviði stjórnunar. 

Menntunar- og hæfnikröfur:
• Doktorspróf í viðskiptafræði eða skyldum greinum.
• Virkni og hæfni í rannsóknum með sýnilegum hætti.
• Kennslureynsla á háskólastigi með góðum árangri.
• Góð samstarfshæfni og lipurð í mannlegum samskiptum.

Við ráðningu verður miðað við að sá er starfið hlýtur falli sem best að aðstæðum og þörfum Viðskiptafræðideildar Háskóla Íslands. 
Ráðið verður í starfið tímabundið til tveggja ára. 
Gert er ráð fyrir að viðkomandi hefji störf eigi síðar en haustið 2018, um leið og lokið er störfum þeirra nefnda sem um ráðninguna fjalla.  

Umsóknir
Umsóknarfrestur er til og með 7. ágúst 2018.  

Sótt er um starfið á vefsíðu Háskóla Íslands undir laus störf. 

Umsækjendur skulu láta eftirfarandi gögn fylgja umsókn sinni:
1) Kynningarbréf þar sem m.a. kemur fram hvernig umsækjandi uppfyllir hæfnikröfur
2) Vottorð um námsferil sinn
3) Akademíska ferilskrá (Curriculum Vitae)
4) Ritaskrá
5) Skýrslu um vísindastörf og önnur störf sem þeir hafa unnið
6) Greinargerð um rannsóknar- og kennsluáform ef til ráðningar kemur
7) Upplýsingar um þrjá mögulega umsagnaraðila sem hafa má samband við. 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á. 

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. Samkvæmt reglum Háskóla Íslands nr. 569/2009, 38. gr. er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Laun eru samkvæmt kjarasamningi Félags háskólakennara og fjármálaráðherra.

Nánari upplýsingar veitir Ingi Rúnar Eðvarðsson, deildarforseti Viðskiptafræðideildar á netfanginu [email protected] eða í 525-5176

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að 6 mánuði frá lokum umsóknarfrests. 

Við ráðningu í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.