Sérfræðilæknir í brjóstamyndgreiningu
Sérfræðilæknir í brjóstamyndgreiningu á röntgendeild Landspítala
Landspítali leitar eftir jákvæðum og metnaðarfullum sérfræðilækni með sérhæfingu í brjóstamyndgreiningu í krefjandi starf á röntgendeild. Viðkomandi mun verða mikilvægur hlekkur í öflugu teymi röntgendeildar, en deildin sinnir öllum þáttum á sviði læknisfræðilegrar myndgreiningar á spítalanum. Deildin sinnir stærstum hluta klíniskrar brjóstamyndgreiningar á Íslandi og mun sjá um skimun fyrir brjóstakrabbameini frá ármótum 2021.
Brjóstaþjónusta röntgendeildar mun flytja inn í nýtt sérhæft húsnæði á næsta ári. Lögð áhersla á góðan tækjabúnaðar, þróun nýrra starfsaðferða, aðlögun vinnutíma að þörfum starfsmanna, stöðuga starfsþróun og góða starfsaðstöðu. Starfshlutfall er 100% og veitist starfið frá 1. apríl 2020 eða eftir samkomulagi.
Helstu verkefni og ábyrgð
» Brjóstamyndgreining, klíniskar rannsóknir skimun og segulómun
» Greiningar, inngrip og meðferð út frá rannsóknaraðferðum deildarinnar
» Ráðgjöf og samráð við fagaðila innan og utan Landspítala
» Skipulag og verkefnaumsjón
» Þátttaka í þverfaglegri teymisvinnu
» Þátttaka í kennslu og vísindavinnu
Hæfnikröfur
» Sérhæfing og góð reynsla í myndgreiningu brjósta
» Góð íslenskukunnátta eða góð kunnátta í ensku og vilji til að læra íslensku
» Þekking og reynsla i helstu rannsóknaraðferðum myndgreiningar
» Jákvæðni, sveigjanleiki og lipurð í samskiptum
» Skilyrði að íslenskt sérfræðileyfi í myndgreiningu liggi fyrir áður en starf hefst
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu LSH við ráðningar á spítalanum.
Upplýsingar um fyrri störf, menntun, hæfni, félagsstörf og umsagnaraðila skal skrá inn í umsóknarformið. Einnig skal fylgja umsókninni vottað afrit af námsgögnum og starfsleyfum, tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er fyrsti höfundur að.
Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
ATH. Fylla þarf út lágmarksupplýsingar á almenna umsókn og senda sem viðhengi, en ítarlegri upplýsingar í umsókn fyrir læknisstöðu, sjá slóð hér fyrir neðan.
Umsókn um læknisstöðu - umsóknareyðublað Embættis landlæknis
Starfshlutfall er 100%
Umsóknarfrestur er til og með 02.03.2020
Nánari upplýsingar veitir
Pétur Hörður Hannesson - [email protected] - 824 5322
Landspítali
Röntgendeild
Fossvogi
108 Reykjavík
Smelltu hér til að sækja um starfið