Deildarstjóri verndardeildar
Deildarstjóri verndardeildar
Starfið: Samgöngustofa auglýsir lausa til umsóknar stöðu deildarstjóra verndardeildar á mannvirkja- og leiðsögusviði stofnunarinnar. Samgöngustofa veitir sem lögbært yfirvald samþykki vegna flug- og siglingaverndar og hefur eftirlit með samþykktarháðum aðilum. Í starfinu felst stjórnun deildarinnar í samvinnu við framkvæmdastjóra og skipulagning verkefna ásamt krefjandi innri og ytri samskiptum. Verkefni deildarstjóra felast aðallega í skipulagningu, undirbúningi og framkvæmd eftirlits, úttektum og prófunum er varða flug- og siglingavernd auk alþjóðasamstarfs og aðkomu að innleiðingu krafna og viðhaldi handbóka á sviðum verndar. Leitað er að lausnamiðuðum starfskrafti sem á auðvelt með að setja sig inn í reglugerðir og nýjar aðstæður og getur unnið samkvæmt verklagsreglum í öguðu umhverfi. Viðkomandi þarf að leggja fram sakavottorð, undirgangast og standast bakgrunnsathugun Ríkislögreglustjóra og öryggisvottun sbr. Reglugerð um vernd trúnaðarupplýsinga, öryggisvottanir og öryggisviðurkenningar á sviði öryggis- og varnarmála nr. 959/2012. Starfshlutfall er 100%.
Menntunar- og hæfnikröfur
• Háskólamenntun sem nýtist í starfi, eða viðamikil starfsreynsla, þjálfun og þekking í flugvernd, siglingavernd eða viðeigandi löggæslustörfum sem Samgöngustofa getur metið sambærlega.
• Mikil hæfni í mannlegum samskiptum.
• Grunnþekking á gæða-, öryggis-, og verndarstjórnunarkerfum, þ.á.m. úttektum og reynsla á því sviði er æskileg.
• Þekking á íslenskum og alþjóðlegum kröfum er varða flug- og siglingavernd er æskileg.
• Auk íslensku eru mjög góð tök á ensku skilyrði sem og gott vald á úrvinnslu og framsetningu upplýsinga.
• Frumkvæði, sjálfstæði og fagmennska í starfi ásamt skipulagningu og ögun í verkum eru áskilin. Þarf að geta unnið undir álagi.
Í boði er spennandi starf hjá metnaðarfullri stofnun í alþjóðlegu umhverfi. Við bjóðum upp á góða starfsaðstöðu og frábæra vinnufélaga.
Umsóknarfrestur er til 28. janúar 2019.
Hægt er að sækja um starfið rafrænt á www.samgongustofa.is.
Nánari upplýsingar um starfið veitir Guðjón Atlason framkvæmdastjóri mannvirkja- og leiðsögusviðs í síma 480-6000. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Starfskjör eru í samræmi við kjarasamning ríkisins og viðkomandi stéttarfélags. Samgöngustofa áskilur sér rétt til að hafna öllum umsóknum. Samgöngustofa hvetur jafnt konur sem karla til að sækja um þessa stöðu.
Hjá Samgöngustofu hlakka um 150 öflugir starfsmenn til þess að þú bætist í hópinn. Lögð er áhersla á jákvæðan og skemmtilegan starfsanda, frumkvæði og þátttöku, auk þess sem mötuneytið er frægt fyrir frábæran mat. Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri. Frekari upplýsingar um Samgöngustofu er að finna á vef stofnunarinnar www.samgongustofa.is
Samgöngustofa
www.samgongustofa.is
Ármúli 2 – 108 Reykjavík
Sími: 480-6000