Verkfræðingur á heilbrigðis- og upplýsingatæknideild
Verkfræðingur á heilbrigðis- og upplýsingatæknideild
Við leitum eftir jákvæðum og öflugum liðsmanni til að sinna fjölþættum verkefnum á sviði heilbrigðis- og upplýsingatækni. Á heilbrigðis- og upplýsingatæknideild (HUT) starfa um 70 manns, þar af 17 í heilbrigðistækni.
Ráðgjafahópur heilbrigðistæknieiningar HUT annast verkefnastjórn og þróun á hagnýtingu heilbrigðis- og upplýsingatækni á Landspítala. Hópurinn sinnir ráðgjöf til klínískra sviða um ferlaumbætur studdar af lausnum sem HUT ber ábyrgð á og hefur umsjón með öflun lækningatækja ásamt ráðgjöf vegna innleiðingar á tækninýjungum.
Helstu verkefni og ábyrgð
» Ráðgjöf, verkefnastjórn og greiningarvinna fyrir klíníska starfsemi Landspítala
» Innkaupaferlar lækningatækja, þ.á.m. útboð, verðfyrirspurnir, samningagerð
» Verkefni tengd daglegum rekstri og umsýslu lækningatækja
Hæfnikröfur
» Háskólapróf í verkfræði (M.Sc.)
» Nám í heilbrigðisverkfræði æskilegt
» Góð skipulagshæfni
» Reynsla af verkefnastjórnun er kostur
» Færni í ensku og íslensku í ræðu og riti
» Sjálfstæð og öguð vinnubrögð
» Jákvætt viðmót og lipurð í samskiptum
» Faglegur metnaður
» Önnur reynsla sem nýtist í starfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.
Tekið er mið af jafnréttisstefnu LSH við ráðningar á spítalanum.
Starfið er laust frá 1. febrúar 2019 eða eftir nánara samkomulagi. Umsókn fylgi náms- og starfsferilskrá. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 21.01.2019
Nánari upplýsingar veitir
Björg Guðjónsdóttir - [email protected] - 824 5372
LSH Heilbrigðistækni
Hringbraut
101 Reykjavík
Smelltu hér til að sækja um starfið