Þátttaka ríkisstjórnaroddvita um allan heim í alþjóðasamskiptum hefur aukist á undanförnum árum og það á einnig við um forsætisráðherra Íslands. Þar á meðal eru leiðtogafundir Atlantshafsbandalagsins, Sameinuðu þjóðanna, Öryggis- og samvinnustofnunar Evrópu, Evrópuráðsins, Eystrasaltsráðsins og leiðtogafundir EFTA/EES-ríkjanna og Evrópusambandsins. Þessi fundir eru ekki haldnir reglulega heldur eftir þörfum og oft á 2-4 ára fresti. Þá má nefna forsætisráðherra Norðurlanda sem hittast tvisvar til þrisvar á ári og sameiginlega fundi norrænu og baltnesku forsætisráðherranna.

Eins ber að nefna opinberar heimsóknir forsætisráðherra til annarra ríkja og heimsóknir starfssystkina hans til Íslands. Loks tekur forsætisráðherra þátt í ýmsum atburðum og athöfnum erlendis.

Starfsmenn forsætisráðuneytisins koma einnig að ýmsum störfum sem varða alþjóða- og milliríkjasamskipti, m.a. sem fulltrúar í samstarfs- og samninganefndum sem einnig eru skipaðar fulltrúum annarra ráðuneyta. Í ákveðnum tilvikum hefur forsætisráðuneytið haft forystu um eða komið að tímabundnum verkefnum sem fela í sér alþjóðlegt eða svæðisbundið samstarf.

Tenglar

• Atlantshafsbandalagið, nato.int
• EFTA, efta.int
• EES-samningurinn
• Evrópuráðið, coe.int
• Eystrasaltsráðið, cbss.org
  
• Norræna ráðherranefndin, samstarfsvettvangur ríkisstjórna Norðurlanda
• Sameinuðu þjóðirnar, un.org
• Öryggis- og samvinnustofnun Evrópu, oscepa.org