Pallborðsumræður um forystuhlutverk Íslands í aðgerðabandalagi átaksverkefnisins "Kynslóð jafnréttis"
.jpg)
Fundurinn var hluti af fundaröð 14 funda sem er skiplögð af Open Diplomacy-stofnunni í samvinnu við frönsk stjórnvöld undir heitinu Le Grand Tour #NotreGénérationÉgalité. Fundaröðin er liður í því að styrkja samtal um jafnréttismál milli stjórnvalda, borgarasamtaka, kvennahreyfinga og fræðasamfélagsins í aðdraganda Parísar-fundar átaksverkefnisins.
Átaksverkefnið, Kynslóð jafnréttis, hófst árið 2020 í tilefni 25 ára afmælis fjórðu ráðstefnu Sameinuðu þjóðanna um málefni kvenna sem haldin var í Peking árið 1995. Verkefnið er meðal stærstu verkefna UN Women hingað til og er markmið þess að vinna að úrbótum á sviðum þar sem enn hallar á konur og stúlkur, í samræmi við heimsmarkmið Sameinuðu þjóðanna um sjálfbæra þróun. Parísar-fundurinn, sem mun eiga sér stað 30. júní-2. júlí nk., er haldinn á vegum UN Women og franskra stjórnvalda.
Góðar umræður spunnust á fundinum en auk þess að leggja áherslu á mikilvægi forvarna og þess að efla þátttöku karla og drengja í þessu tilliti, lagði Unnur einnig sérstaka áherslu á að tækifæri borgarasamtaka og kvennahreyfinga til að hafa áhrif á og móta stefnu séu til staðar. Einnig áttu þátttakendur áhugaverðar umræður um femíniska diplómatíu og leiðir til þess að stuðla að auknu jafnrétti á heimsvísu.
.png)