Forsætisráðherra átti í dag fund með Stefan Füle, framkvæmdastjóra stækkunarmála í framkvæmdastjórn Evrópusambandsins, í Stjórnarráðinu. Meginefni fundarins var að ræða stöðu aðildarviðræðna Íslands og Evrópusambandsins, en jafnframt var rætt um sameiginlegan vinnuhóp Íslands og ESB um afléttingu gjaldeyrishaftanna. Füle fundaði fyrr í dag með utanríkisráðherra og sjávarútvegs- og landbúnaðarráðherra, auk þess sem hann heimsótti Hellisheiðarvirkjun og fundaði með fulltrúum sveitarfélaga á Suðurlandi í Árborg.