Sigmundur Davíð Gunnlaugsson forsætisráðherra átti í gær tvíhliða fund með Aksel V. Johannesen lögmanni Færeyja. Á fundi sínum fóru þeir yfir góð samskipti landanna. Lögmaðurinn fór yfir helstu stefnumál nýrrar stjórnar Færeyja, m.a. um að eigi síðar en 2017 verði haldin þjóðaratkvæðagreiðsla um nýja stjórnskipan. Þá voru rædd sjávarútvegsmál, ferðaþjónusta, menningarmál, viðskiptamál og áhrif viðskiptabanns Rússlands á Ísland.