Umsagnarfrestur um gátlista fyrir sveitarstjórnarmenn að renna út
Umsagnarfrestur um umræðuskjal fyrir sveitarstjórnarmenn rennur út um helgina en nefnd um eflingu sveitarstjórnarstigsins hefur sent sveitarstjórnarfólki skjal um nokkur málefni sem nefndin hefur haft til athugunar. Unnt er að senda umsagnir til og með 15. janúar á netfangið [email protected].
Í skjalinu er lýst nokkrum viðfangsefnum nefndarinnar, svo sem um verkaskiptingu ríkis og sveitarfélaga, tekjustofna sveitarfélaga, Jöfnunarsjóð sveitarfélaga, reglur um fjármál sveitarfélaga, sameiningu og samvinnu sveitarfélaga og fleira. Óskað er umsagnar sveitarstjórnarfólks á ákveðnum atriðum sem tilgreind eru í hverju umfjöllunarefni og er í skjalinu vísað í frekara efni á netinu ef á þarf að halda.