Aðalvarðstjóri í Aðgerða- og skipulagsdeild
Aðalvarðstjóri í Aðgerða- og skipulagsdeild
Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á að starfsfólk búi yfir þekkingu og hæfni til að takast á við fjölbreytileg verkefni. Áhersla er á traust og gagnsæi í samskiptum, jafnrétti, starfsánægju og heilbrigðan starfsanda. Gildi LRH eru TRAUST, FAGMENNSKA OG ÖRYGGI.
Við embættið er laus til umsóknar ein staða aðalvarðstjóra í Aðgerða- og skipulagsdeild. Áætlað er að lögreglustjóri skipi í stöðuna frá og með 01.ágúst n.k.
Í ljósi ríkjandi kynjahlutfalls innan lögreglu og jafnréttisáætlunar lögreglu eru konur sérstaklega hvattar til að sækja um.
Helstu verkefni og ábyrgð
Aðgerðastjórnun og eftirlitshlutverk í samræmi við starfslýsingu
Framkvæmd valdbeitingaþjálfunar á stigi 2,3 og 4 hjá öllum lögreglumönnum embættisins
Framkvæmd og umsjón þrekprófa hjá embættinu
Samstarf við stofnanir/fyrirtæki um kynningar/þjálfun í samráði við næsta yfirmann
Skipulagning aðgerðatengdra verkefna í samráði við næsta yfirmann
Kemur að gerð og skilum vaktaáætlana í valkvæðu vaktkerfi
Samræmir skipulag aðgerðaþjálfunar og námskeiða við vaktaáætlun
Á aðkomu að stefnumótun og setningu markmiða í deildinni, tekur þátt í að móta verklag og verkferla og ber ábyrgð á að þeim sé fylgt
Almenn löggæsla á grundvelli laga og reglna og í samræmi við áherslur og markmið LRH
Hæfnikröfur
Umsækjandi skal hafa lokið prófi frá Lögregluskóla ríkisins eða diplómaprófi í lögreglufræðum frá Háskólanum á Akureyri sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar og hafa starfað sem lögreglumaður í að minnsta kosti 2 ár að prófi loknu, sbr. 3 mgr. 14. gr. reglugerðar nr. 1051/2006 um starfsstig innan lögreglu.
Þjálfunarstig 2 eða meira er skilyrði
Hafa lokið þjálfunarnámskeiði fyrir valdbeitingarþjálfara lögreglu frá MSL
Hafa lokið vettvangsstjóranámskeiði viðbragðsaðila og þekkja vel til SÁBF kerfisins
Reynsla af þjálfun og skipulagningu þjálfunar er mikilvæg
Reynsla af sveitastjórnun (mannfjöldastjórnun) er mikilvæg
Reynsla af stjórnun innan lögreglu er mikilvæg
Reynsla af vinnu við vaktaskipulag í valkvæðu vaktkerfi er mikilvæg
Reynsla af vettvangsstjórnun og aðgerðastjórnun er mikilvæg
Góð þekking á Vinnustund, vaktáætlunar- og viðverukerfi mannauðskerfis ríkisins (Orri) er mikilvæg
Reynsla af gerð viðbragðsáætlana og verkferla er kostur
Nákvæmni í vinnubrögðum og góðir skipulagshæfileikar eru mikilvægir eiginleikar
Lausnamiðuð stjórnun, frumkvæði og drifkraftur eru mikilvægir kostir
Góð samskipta- og samstarfshæfni
Þjónustulipurð og jákvæðni
Leitað er að einstaklingum með reynslu af störfum þar sem reynt hefur á ofangreinda þætti
Sá/sú sem skipaður er til að gegna þessum störfum skal sækja námskeið í Mennta- og starfsþróunarsetri lögreglunnar, þegar slíkt námskeið er í boði, sem sniðið er að viðkomandi starfi, hafi viðkomandi ekki sótt slíkt námskeið áður.
Óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknar og útskýri atriði í ferilskrá, eftir því sem þörf er á.
Vakin er athygli á því að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getu rýrt það traust sem starfsfólk lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu sbr. 28. gr. a. Lögreglulaga nr. 90/1996.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Sækja skal um stöðuna með rafrænum hætti á vef starfatorgs, www.starfatorg.is. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um skipun hefur verið tekin.
Athygli er vakin á því að umsóknir gilda í 6 mánuði eftir að umsóknarfresti lýkur.
Starfshlutfall er 100%
Umsóknarfrestur er til og með 09.06.2020
Nánari upplýsingar veitir
Kristján Helgi Þráinsson - [email protected] - 444-1000
Eygló Huld Jónsdóttir - [email protected] - 444-1000
Lögreglustjórinn á höfuðborgarsvæðinu
Aðgerða og skipulagsdeild
Hverfisgata 115
105 Reykjavík
Smellið hér til að ækja um starf