Lögfræðingur á skrifstofu húsnæðis- og lífeyrismála
Lögfræðingur á skrifstofu húsnæðis- og lífeyrismála
Félagsmálaráðuneytið auglýsir laust til umsóknar starf lögfræðings á skrifstofu húsnæðis- og lífeyrismála.
Leitað er að einstaklingi sem er tilbúinn að takast á við krefjandi, áhugaverð og fjölbreytt verkefni á sviði húsnæðis- og mannvirkjamála þar sem reynir á öguð vinnubrögð, ábyrgð og sjálfstæði.
Helstu verkefni og ábyrgð
Helstu verkefni tengjast löggjöf um mannvirki og byggingarmál, húsnæðismál, húsnæðisbætur, sérstakan húsnæðisstuðning sveitarfélaga, almennar íbúðir, félagslegt íbúðarhúsnæði, stuðning við íbúðarkaup, húsaleigumál, frístundabyggð, fjöleignarhús, húsnæðissjálfseignarstofnanir, húsnæðissamvinnufélög og byggingarsamvinnufélög. Starfið felst meðal annars í stefnumótun, gerð lagafrumvarpa og reglugerða, þátttöku í nefndarstörfum, verkefnisstjórn, svörun erinda, skýrslugerð, samráði og samstarfi við önnur ráðuneyti, stofnanir, Alþingi, sveitarfélög, samtök aðila vinnumarkaðarins og aðra hagsmunaaðila á sviði húsnæðis- og mannvirkjamála.
Hæfnikröfur
Fullnaðarpróf í lögfræði með embættis- eða meistaraprófi.
Hæfni í mannlegum samskiptum.
Frumkvæði og sjálfstæði í vinnubrögðum.
Sveigjanleiki og samstarfshæfni.
Skipulagshæfni.
Mjög gott vald á íslensku og færni til að tjá sig í ræðu og riti.
Góð kunnátta í ensku og færni til að tjá sig í ræðu og riti.
Þekking á húsnæðis- og/eða mannvirkjamálum er kostur.
Þekking og reynsla af störfum í opinberri stjórnsýslu og gerð lagafrumvarpa er kostur.
Þekking á evrópurétti er kostur.
Þekking á einu Norðurlandamáli er kostur.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Æskilegt er að umsækjandi geti hafið störf sem fyrst. Karlar jafnt sem konur eru hvött til að sækja um starfið.
Með umsókn skal fylgja ítarleg starfsferilsskrá, starfsheiti og kynningarbréf þar sem gerð er grein fyrir ástæðu umsóknar og hvernig viðkomandi uppfyllir hæfniskröfur fyrir starfið.
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996, um auglýsingar á lausum störfum, með síðari breytingum.
Heimasíða félagsmálaráðuneytisins
Starfshlutfall er 100%
Umsóknarfrestur er til og með 03.06.2019
Nánari upplýsingar veitir
Lísa Margrét Sigurðardóttir - [email protected] - 545-8100
Ágúst Þór Sigurðsson - [email protected] - 545-8100
Félagsmálaráðuneyti, aðalskrifstofa
Skrifstofa húsnæðis- og lífeyrismála
Skógarhlíð 6
105 Reykjavík
Smelltu hér til að sækja um starfið