Skýrsla um framtíðarfyrirkomulag á lánastarfsemi Byggðastofnunar
Nefnd sem falið var að gera tillögur um framtíðarfyrirkomulag á lánastarfsemi Byggðastofnunar telur að full þörf sé á starfsemi stofnunarinnar. Í skýrslunni eru m.a. settar fram tillögur um stefnumótun stjórnar og eigenda Byggðastofnunar, tillögur um heildarendurskoðun laga og reglugerðar um stofnunina og tillögur varðandi efnahagsreikning stofnunarinnar.
Katrín Júlíusdóttir, iðnaðarráðherra skipaði nefndina í febrúar sl. og í henni áttu sæti þau Lárus Á. Hannesson, Valgerður Bjarnadóttir, Finnbogi Vikar, Herdís Á. Sæmundardóttir, Anna Kristín Gunnarsdóttir, Sturla Böðvarsson og Gunnar Svavarsson, formaður.