Hoppa yfir valmynd

83. Ríkið innheimti gjald fyrir öll bifreiðastæði hjá stofnunum sínum - Árni Davíðsson

Ríkið innheimti gjald fyrir öll bifreiðastæði hjá stofnunum sínum

Ókeypis bílastæði á vinnustað hvetja til bílaeignar og aksturs og þar með losun gróðurhúsalofttegunda. Ef tekið er hóflegt gjald af bílastæðum sem standa undir gerð og viðhaldi og rekstri bílastæða er líklegt að margir velji annan samgöngumáta í vinnuna og það er líklegt að það séu einkum þeir sem búa skammt frá vinnustað sem velja vistvænni samgöngumáta. Til dæmis er líklegt að þeir sem búa í 500 m til 1 km fjarlægð munu frekar ganga eða hjóla í vinnuna. Þar sem bílar eyða hlutfallslega meira eldsneyti í kaldri ræsingu (allt að 20-60 L/100 km fyrst eftir ræsingu) og losa hlutfallslega meira af hættulegum mengunarefnum (NOx, SO2, CO, sót) mundi slík gjaldtaka draga úr losun gróðurhúsalofttegunda og minnka loftmengun mun meira en stutt vegalengd gæti gefið til kynna.

Lagt er til að ríkið innheimti gjald fyrir öll bifreiðastæði sem eru á lóðum stofnana ríkisins, það er alla háskóla, framhaldsskóla, sjúkrahúsa, stofnana og fyrirtæka o.s.frv.

Áhrif á loftlagsmál. Ef gjald er tekið fyrir bílastæði hjá ríkinu minnka niðurgreiðslur með akstri og það dregur úr akstri einkum á stuttum vegalengdum, sem losa hlutfallslega meira af gróðurhúsalofttegundum og menga hlutfallslega meira, og það mundi draga úr losun gróðurhúsalofttegunda.

 

kveðja

Árni Davíðsson

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira