UT-dagurinn er 24. janúar
Íslendingar eru í hópi þeirra þjóða sem hvað best nýta sér upplýsingatæknina og með hverju árinu sem líður leikur tæknin stærra hlutverk í daglegu lífi okkar. Opnast hefur aðgangur að gífurlegu magni upplýsinga og þjónustu bæði frá opinberum aðilum og fyrirtækjum. Um leið eru samskipti manna í millum fjölbreyttari og auðveldari en nokkru sinni fyrr. Upplýsinga- og fjarskiptatækni hafa fært okkur þessi nýju tækifæri og auknu lífsgæði.
Upplýsingatæknidagurinn, UT-dagurinn, verður haldinn í fyrsta sinn þann 24. janúar nk. Hann er haldinn til að vekja athygli á þeim tækifærum sem Íslendingar hafa á sviði upplýsingatækni, upplýsingatækniiðnaðar og fjarskipta (sjá fréttatilkynningu frá 5. desember sl).
Að deginum standa forsætisráðuneyti, iðnaðar- og viðskiptaráðuneyti, samgönguráðuneyti og fjármálaráðuneyti í samstarfi við Póst- og fjarskiptastofnun, Samtök upplýsingatæknifyrirtækja og Skýrslutæknifélagið.
Á UT-deginum verða ýmsir viðburðir og kynningar í fjölmiðlum:
- Haldin verður ráðstefna á Nordica hóteli á UT-daginn undir yfirskriftinni: Tæknin og tækifærin - Ráðstefna um áhrif og ávinning, framtíðarsýn og áhugaverð verkefni stjórnvalda.
- Ráðstefnan verður send beint út á vef UT-dagsins: www.utdagur.is.
- Opnaður verður nýr vefur um upplýsingatækni http://utvefur.is.
- Gefið verður út kynningarefni í tilefni dagsins m.a. tölfræðileg samantekt um íslenska upplýsingasamfélagið frá Hagstofunni og nýr bæklingur um upplýsingatækni frá Upplýsingu, félagi bókasafns- og upplýsingafræða.
- Í tengslum við UT-daginn verður gefið út umfangsmikið blað sem dreift verður með Morgunblaðinu 20. janúar.
Tæknin og tækifærin
Ráðstefna um áhrif og ávinning, framtíðarsýn
og áhugaverð verkefni stjórnvalda
Ráðstefnan verður haldin á Nordica hóteli 24. janúar 2006. Skýrslutæknifélag Íslands sér um skráningu á ráðstefnuna á vef sínum. Aðgangseyrir er kr. 4000 og er hádegisverður þar innifalinn.
Ráðstefnustjóri verður Óskar B. Hauksson, stjórnendaráðgjafi, Gáttir ehf.
Dagskrá:
| Kl. | Dagskrárliður |
|---|---|
| 8:30 | Húsið opnar – afhending ráðstefnugagna |
| 9:00 | Ávarp Halldórs Ásgrímssonar, forsætisráðherra |
| 9:10 | Íslenskt upplýsingasamfélag - tölfræðileg samantekt Guðfinna Harðardóttir, sérfræðingur, Hagstofa Íslands |
| 9:30 |
Íslenskur sýndarveruleiki |
| 9:50 | Alþjóðavæðing Friðrik Sigurðsson, forstjóri TM Software |
| 10:10 | Upplýsingatækni – áhrif og ávinningur Valgerður Sverrisdóttir, iðnaðar- og viðskiptaráðherra |
| 10:30 |
Kaffi |
| 10:45 | Stafræn tilvera - stafræn viðskipti Orri Hauksson, framkvæmdastjóri Þróunarsviðs Símans |
| 11:05 |
Opið net - lykill að lífsgæðum |
| 11:25 |
Ísland.is - Þjónustuveita ríkis og sveitarfélaga |
| 11:45 |
Hver ert þú? Rafræn auðkenning og undirskriftir |
| 12:05 | Hádegisverður |
| 13:00 | Upplýsingatækni, þekking og menning Þorgerður Katrín Gunnarsdóttir, menntamálaráðherra |
| 13:20 |
Tilraunaverkefni um samráð og samskipti milli almennings og opinberra aðila |
| 13:40 |
Rafræn samfélög - aukin lífsgæði á landsbyggðinni Virkjum alla - rafrænt samfélag við Skjálfanda
Sunnan3 - rafrænt samfélag á Árborgarsvæðinu |
| 14:00 | Fjarskiptaáætlun, verkefni fjarskiptasjóðs og öryggismál í fjarskiptum Sturla Böðvarsson, samgönguráðherra |
| 14:20 | Kaffi |
| 14:35 |
Stuttar kynningar (10 mínútur) á áhugaverðum verkefnum: AUFT - Átak í upplýsinga- og fjarskiptatækni - Helstu verkefni dóms- og kirkjumálaráðuneytis á þessu sviði
Rafrænir lyfseðlar – frá lækni til apóteks
Upplýsingatækni á nýju hátæknisjúkrahúsi Útrás RSK Leitin breytir heiminum Bezt í heimi! - Vefvæddir íslenskir veiðimenn
Gagnvirk kortavefsjá - miklir möguleikar í miðlun Stafræn miðlun úr safni RÚV Menntagátt - miðstöð upplýsinga |
| 16:15 | Léttar veitingar. |