Framkvæmdaáætlun í málefnum fatlaðs fólks

Þann 31. maí 2017 samþykkti Alþingi þingsályktunartillögu félags- og jafnréttismálaráðherra um stefnu og framkvæmdaáætlun í málefnum fatlaðs fólks 2017–2021. Framkvæmdaáætlunin tekur við af fyrri þingsályktun sem unnið var eftir árin 2012–2017. Í nýju áætluninni eru tilgreind 39 verkefni á sjö málasviðum sem lúta að aðgengi, atvinnu, heilsu, ímynd og fræðslu, menntun, sjálfstæðu lífi og þróun þjónustu.

Meginmarkmið framkvæmdaáætlunarinnar sem unnin var í víðtæku samráði við samtök fatlaðs fólks, þjónustuaðila, stofnanir og sérfræðinga eru að samningur Sameinuðu þjóðanna um réttindi fatlaðs fólks verði innleiddur í alla lagaumgjörð og framkvæmd. Þannig megi stuðla að því að fatlað fólk, börn jafnt sem fullorðnir, geti lifað sjálfstæðu lífi og njóti mannréttinda til jafns við aðra.

Til að styðja við eftirfylgni, framkvæmd og mat á stefnunni skipaði félags- og jafnréttismálaráðherra starfshóp. Verkefni hans eru að vinna að stöðumati í upphafi tímabils og endurmati í lok tímabils. Auk þess er gert ráð fyrir að hópurinn leggi fram tillögur fyrir ráðherra að forgangsröðun verkefna eigi síðan en í febrúar ár hvert og skili greinargerð um framgang verkefna sl. árs á sama tíma.

Starfshópurinn er þannig skipaður:

  • Rósa Guðrún Bergþórsdóttir, án tilnefningar, formaður
  • Bryndís Snæbjörnsdóttir, tiln. af Landssamtökunum Þroskahjálp
  • Gústav Aron Gústavsson, tiln. af samgöngu- og sveitarstjórnarráðuneytinu
  • Halldór Sævar Guðbergsson, tiln. af Öryrkjabandalagi Íslands
  • Tryggvi Þórhallsson, tiln. af Sambandi íslenskra sveitarfélaga
  • Elísabet Gísladóttir, tiln. af dómsmálaráðuneytinu

Fyrsti fundur starfshópsins fór fram 15. nóvember 2017 og verður hægt að nálgast fundargerðir hópsins á þessari síðu.

Tillögur eða ábendingar varðandi framkvæmd áætlunarinnar óskast sendar á [email protected].

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn