Samþykktir um stjórn og fundarsköp

Kveðið er á um skyldu sveitarstjórna til að setja sér samþykkt um stjórn og stjórnsýslu sveitarfélagsins og um meðferð þeirra málefna sem sveitarfélagið annast í sveitarstjórnarlögum. Samgöngu- og sveitarstjórnarráðuneyti skal semja fyrirmynd að slíkri samþykkt og birta hana í Stjórnartíðindum. Fyrirmyndin gildir þar til sérstök samþykkt hefur verið gerð fyrir viðkomandi sveitarfélag.

Auglýsing um fyrirmynd að samþykkt um stjórn sveitarfélaga

Sveitarfélögin hafa mikið sjálfræði um uppbyggingu eigin stjórnkerfis og íslensk lög fullnægja að því leyti kröfum skv. 1. mgr. 78. gr. stjórnarskrárinnar og 1. mgr. 6. gr. Evrópusáttmála um sjálfstjórn sveitarfélaga. Í samþykkt um stjórn og stjórnsýslu ber sveitarstjórn að taka afstöðu til fjölda atriða sem varða innra stjórnskipulag sveitarfélagsins, svo sem um þær nefndir sem kjósa skal, meginatriði um hlutverk þeirra, verkaskiptingu milli sveitarstjórnar og sveitarstjóra og eftir atvikum byggðarráðs og sveitarstjóra, helstu ákvæði um starfslið o.fl. Mikilvægt er að sveitarfélög sinni þeirri skyldu að setja samþykktir og vandi til þess verks.

Samþykktir um stjórn og stjórnsýslu sveitarfélaga þurfa staðfestingu ráðherra en í því felst að honum er ætlað að yfirfara samþykkt með tilliti til þess hvort ákvæði í henni eru í samræmi við lög, bæði með tilliti til þess hvort í samþykkt er tekin afstaða til allra þeirra þátta sem þar ber að fjalla um og með tilliti til þess hvort þar er að finna ákvæði sem ganga gegn ákvæðum sveitarstjórnarlaga eða annarra laga. Í þessu eftirliti ráðherra felst því einvörðungu eftirlit með lögmæti samþykktarinnar sem slíkrar. Samþykktir um stjórn og stjórnsýslu sveitarfélaga eru birtar í B-deild Stjórnartíðinda auk þess sem þær eru birtar á heimasíðum sveitarfélaga.

Leiðbeiningar um ritun fundargerða sveitarstjórna

Ráðuneytið hefur gefið út auglýsingu um leiðbeiningar um ritun fundargerða sveitarstjórna. Markmið þeirra er að veita leiðsögn um ritun fundargerða sveitarstjórna, m.a. um hvað þar er skylt að bóka, um staðfestingu þeirra þegar að loknum fundi og skráningu og meðferð rafrænna fundargerða, sbr. 2. mgr. 19. gr. sveitarstjórnarlaga nr. 138/2011

Auglýsing um leiðbeiningar um ritun fundargerða sveitarstjórna

Notkun fjarfundarbúnaðar

Í sveitarstjórnarlögum er kveðið á um heimild til notkunar fjarfundarbúnaðar á fundum sveitarstjórna. Af henni leiðir að heimilt ver að nota fjarfundarbúnað á fundum sveitarstjórna sé ákveðnum og ströngum skilyrðum fullnægt. , t.d. ef fjarlægðir í sveitarfélagi eru miklar eða samgöngur erfiðar sé heimilt að nota fjarfundarbúnað. Skal þá mæla fyrir um notkun slíks búnaðar í samþykktum um stjórn og fundarsköp . Ráðuneytið hefur auglýst leiðbeinandi reglur um notkun fjarfundarbúnaðar á sveitarstjórnarfundi.

Auglýsing um leiðbeiningar um notkun fjarfundarbúnaðar á fundum sveitarstjórna

Yfirlit yfir lögmælt verkefni sveitarfélag

Ráðuneytið hefur tekið saman yfirlit yfir lögmælt verkefni sveitarfélaga, skv. 1. mgr. 7. gr. sveitarstjórnarlaga, nr. 138/2011. Yfirlitinu er ætlað til leiðbeiningar fyrir sveitarfélög við stefnumótun og áætlanagerð ásamt því að auðvelda umræðu og yfirsýn yfir skyldur og hlutverk sveitarfélaga.

Í yfirlitinu eru lögmælt verkefni sveitarfélaga flokkuð eftir málaflokkum og hvort um lögskyld eða lögheimil verkefni er að ræða. Verkefni eru lögskyld ef sveitarfélögum er skylt að rækja þau. Í lögheimilum verkefnum felst að sveitarfélag hefur svigrúm til þess að ákveða hvort verkefninu er sinnt. Ef sú ákvörðun er tekin gildir um verkefnið tiltekinn lagarammi.

Yfirlitið hefur ekki gildi sem sjálfstæð réttarheimild og ráðast skyldur sveitarfélaga ekki af því heldur af viðkomandi lögum. Yfirlitið getur breytingum eftir því sem við á og er öllum frjálst að koma ábendingum á framfæri. Ráðuneytið tekur við ábendinum um efni og form yfirlitsins í netfangið [email protected]

Yfirlit yfir lögmælt verkefni sveitarfélaga

Sjá einnig:

Lög, reglugerðir o.fl.

Fyrirmynd og leiðbeiningar

Gagnlegar krækjur

Sveitarstjórnarmál

Eftirlit og kærur Erlent samstarf Fjármál sveitarfélaga Lög og reglugerðir Samþykktir um stjórn og fundarsköp Siðareglur og sveitarstjórnir Staða og framtíð íslenskra sveitarfélaga Sveitarfélög og jafnrétti Sveitarstjórnarkosningar Samstarfsnefnd ríkis og sveitarfélaga

Var efnið hjálplegt?Nei Já

Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Yfirlit

Hafa samband

Ábending / fyrirspurn