Viðurkenning erlendrar menntunar

Háskóla-, iðnaðar- og nýsköpunarráðuneytið fer með ábyrgð á málaflokknum viðurkenning faglegrar menntunar og hæfis til starfa hér á landi skv. forsetaúrskurði um skiptingu stjórnarmálefna milli ráðuneyta í Stjórnarráði Íslands nr. 6/2022, eins og honum var breytt með forsetaúrskurði nr. 2/2023.

Þau sem óska eftir viðurkenningu á menntun til starfa hér á landi geta leitað svara á þjónustugáttinni Ísland.is.

• Mat á erlendu námi og starfsréttindum

ENIC-NARIC skrifstofan liðsinnir við akademískt mat á námi - www.enicnaric.is. Skrifstofan veitir einstaklingum, háskólum, vinnuveitendum, fagfélögum og stofnunum upplýsingar um prófgráður, menntakerfi og matsferli í samræmi við þær matsaðferðir sem þróaðar hafa verið af ENIC og NARIC samstarfsnetunum. Skrifstofan tekur einnig við og afgreiðir umsóknir um viðurkenningu menntunar og starfsreynslu iðnaðarmanna sem koma erlendis frá.

Sjá einnig:

• Lög um viðurkenningu faglegrar menntunar og hæfis til starfa hér á landi nr. 26/2010
• Reglugerð nr. 477/2020 um viðurkenningu á faglegri menntun og hæfi til starfa hér á landi
• Reglugerð um viðurkenningu á menntun og starfsreynslu til starfa i löggiltri iðn hér á landi