Hoppa yfir valmynd
C. Forvarnir í grunnskólum í samvinnu við heilsugæslu, frístundaheimili og félagsmiðstöðvar

Lýsing á aðgerð

C.3. Þróun og gerð námsefnis fyrir grunnskóla. 

Tryggt verði að grunnskólar hafi aðgang að vönduðu námsefni sem stuðli að forvörnum gegn kynferðislegu og kynbundnu ofbeldi og áreitni og henti grunnskólabörnum á öllum aldri, sbr. grunnþætti menntunar samkvæmt aðalnámskrá grunnskóla. Farið verði heildstætt yfir það náms- og fræðsluefni sem til er og það uppfært og endurútgefið eftir því sem við á. Þá verði nýtt gagnvirkt efni þróað sem byggist á gagnreyndri þekkingu og hæfi aldri og þroska nemenda og taki mið af notkun barna á stafrænni tækni. Við námsefnisgerð verði tekið tillit til ólíkra þarfa og aðstæðna kynjanna og mismunandi einstaklinga og hópa, svo sem fatlaðra barna, hinsegin barna og barna sem hafa annað móðurmál en íslensku. Einkum verði lögð áhersla á námsefni sem fjallar með beinum og opinskáum hætti um eðli og afleiðingar kynferðislegs og kynbundins ofbeldis og áreitni. Jafnframt verði útbúið vandað námsefni um kynheilbrigði og kynhegðun, sbr. þingsályktun nr. 35/149, um áætlun fyrir árin 2019–2022 um aðgerðir gegn ofbeldi og afleiðingum þess. Efninu fylgi greinargóðar leiðbeiningar til kennara og annars starfsfólks um notkun þess. Námsefnið verði aðgengilegt á vef Menntamálastofnunar og verði öllum opið og frjálst til notkunar.

  • Mælikvarði: Námsefni fyrir öll skólastig grunnskóla verði tilbúið fyrir árslok 2023.
  • Kostnaðaráætlun: 3 millj. kr. árið 2021, 3 millj. kr. árið 2022 og 2 millj. kr. árið 2023. Fjármagnið fer í höfundalaun, myndefni, prentun, kennsluleiðbeiningar, vefefni og hljóðbók.
  • Ábyrgðaraðili: Menntamálastofnun.
  • Dæmi um samstarfsaðila: Forvarnafulltrúi Sambands íslenskra sveitarfélaga, Barnaverndarstofa, Jafnréttisstofa, umboðsmaður barna, Þróunarmiðstöð íslenskrar heilsugæslu, verkefni Reykjavíkurborgar Opinskátt um ofbeldi, embætti landlæknis, Barnaheill, Stígamót, Tabú, Fjölmenningarsetur, Samtökin '78 og Þroskahjálp.

Staða verkefnis

Uppfærð hefur verið bókin Ofbeldi gegn börnum, hlutverk skóla. 
Út eru komnar fjórar teiknimyndir sem heita Líkami minn tilheyrir mér og má finna þær á vefnum Stopp ofbeldi! Yngsta stig. Um er að ræða teiknimyndir, kennsluleiðbeiningar og myndaspjöld fyrir leikskóla og yngsta stig grunnskólans um kynbundið ofbeldi og áreitni.  
Gerður hefur verið samningur við Bufdir og Salaby í Noregi um þýðingu á vefnum Jeg vet https://www.jegvet.no/.
Kyn, kynlíf og allt hitt er kennslubók með kennsluleiðbeiningum hefur verið gefin út og birt með leiðbeiningum á vefnum Stopp Ofbeldi!
Verið er að uppfæra kennsluefni fyrir unglingadeild sem er blað með kennsluleiðbeiningum. Blaðið heitir Kynlíf og er eftir Ásdísi Ólsen. 

Verkefnið telst vera komið vel á veg.

Staða verkefnis

Komið vel á veg
Til baka

Jafnréttismál

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum