Hoppa yfir valmynd

Kynjuð hagstjórn og fjárlagagerð

A. Stjórnsýslan

Lýsing á aðgerð

Um verkefnið

Unnið verði að kynjaðri hagstjórn og fjárlagagerð samkvæmt innleiðingaráætlun til fimm ára. Árlega verði unnið að jafnréttismati á málefnasviðum og málaflokkum hins opinbera og helstu niðurstöður birtar í grunnskýrslu í upphafi hvers árs sem nýtist sem grunnur að ákvörðunum varðandi markmið og áherslur innan málefnasviða og málaflokka hins opinbera. Þær áherslur birtist í fjármálaáætlun til fimm ára og fjárlagafrumvarpi hvers árs. Verkefnisstjórn geri tillögur um eftirfylgni innleiðingaráætlunar með mælikvörðum fyrir öll ráðuneyti. Á grunni reynslunnar af notkun aðferða kynjaðrar fjárlagagerðar verði aðferðafræðin nýtt frekar við umræður og ákvarðanatöku um útgjöld og tekjuöflun ríkisins. Verkefnisstjórn um kynjaða fjárlagagerð vinni í virku samráði og samstarfi við verkefnisstjórn um samþættingu kynja- og jafnréttissjónarmiða í stefnumótun og ákvarðanatöku Stjórnarráðsins og ríkisstofnana sem og við jafnréttisfulltrúa ráðuneyta.

Tímaáætlun: Viðvarandi verkefni.
Kostnaðaráætlun: Laun sérfræðings í fullu starfi.
Ábyrgð: Fjármála- og efnahagsráðuneytið og verkefnisstjórn kynjaðrar fjárlagagerðar.

Heimsmarkmið Sameinuðu þjóðanna: Styður einkum markmið 5.1, 5.c og 10.4.

Staða verkefnis

Kynjuð hagstjórn og fjárlagagerð er viðvarandi verkefni og unnið er samkvæmt fimm ára áætlun um kynjaða fjárlagagerð 2019-2023. Jafnréttismat á málefnasviðum og málaflokkum hins opinbera hefur verið uppfært og birtist í skýrslunni: Kortlagningu kynjasjónarmiða – Stöðuskýrslu 2021 sem birt var í mars 2021. Stöðuskýrslan mun m.a. nýtast við ákvarðanatöku um ráðstafanir í opinberum fjármálum. Við mótun fjármálaáætlunar 2021-2025 var byggt á upplýsingum úr grunnskýrslu kynjaðrar fjárlagagerðar frá 2019 og drögum að stöðuskýrslu 2021. Í greinargerðum málefnasviða er þannig fjallað um helstu áskoranir og tækifæri til úrbóta er snúa að stöðu kynjanna og jafnréttismálum. Í greinargerð með frumvarpi til fjárlaga fyrir árið 2021 er, í samræmi við 18. gr. laga nr. 123/2015 um opinber fjármál, gerð grein fyrir mati á áhrifum helstu ráðstafana sem þar eru lagðar til á kynjajafnrétti, bæði á tekju- og gjaldahlið. Lagt hefur verið mat á áhrifum efnahagsaðgerða vegna COVID-19 á jafnrétti og birtist matið í viðeigandi frumvörpum til fjáraukalaga 2020 auk frumvarps til fjárlaga fyrir árið 2021. Þá er samantekt á matinu birt á vef Stjórnarráðsins.

Í samræmi við fimm ára áætlun um kynjaða fjárlagagerð 2019-2023 og aðgerð 5 í framkvæmdaáætlun í jafnréttismálum 2020-2023 hefur verið skipaður starfshópur um kyngreind tölfræðigögn. Markmið með vinnu starfshópsins er að bæta yfirsýn yfir kyngreind tölfræðigögn og stuðla að því að söfnun og notkun á kyngreindum tölfræðigögnum hjá opinberum aðilum verði gerð með sambærilegum hætti. Fyrstu niðurstaðna frá hópnum er að vænta á haustmánuðum 2021. 
Gerður hefur verið samstarfssamningur við námsbraut í kynjafræði við Háskóla Íslands um nemendaverkefni í Hagnýtingu jafnréttisfræða sem unnin eru í samstarfi við Stjórnarráðið.

Verkefnið er komið vel á veg.

 

Ábyrgð

Fjármála- og efnahagsráðuneytið

Staða verkefnis

Komið vel á veg

Ábyrgð - ráðuneyti

Fjármála- og efnahagsráðuneytið

Til baka
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira