Lýsing á aðgerð
Jafnrétti og byggðamál.
Stefnumótandi byggðaáætlun fyrir tímabilið 2018–2024 var unnin og samþykkt samkvæmt lögum um byggðaáætlun og sóknaráætlanir, nr. 69/2015. Verkefnið lýtur að því að áhrif aðgerða í byggðaáætlun og úthlutana til byggðamála á jafnrétti kynjanna verði metin og feli m.a. í sér eftirfarandi:
- Að aðgerðir byggðaáætlunar verði rýndar með hliðsjón af kynja- og jafnréttissjónarmiðum með það að markmiði að meta stöðu kvenna og karla, þ.m.t. hvort um kynjahalla sé að ræða, hvers eðlis hann sé og möguleg áhrif aðgerðanna á jafnrétti.
- Að úthlutanir til byggðamála verði skoðaðar út frá jafnréttissjónarmiðum.
- Að niðurstöður verði greindar og mótaðar leiðir í formi mótvægis- eða jafnréttisaðgerða til þess að bregðast við hugsanlegum kynjahalla í byggðaáætlun og úthlutunum með það að leiðarljósi að sjónarmiða jafnræðis og jafnréttis sé gætt.
Tímaáætlun: 2020–2023.
Kostnaðaráætlun: Allt að 3 millj. kr.
Ábyrgð: Samgöngu- og sveitarstjórnarráðuneytið.
Heimsmarkmið Sameinuð þjóðanna: Styður einkum við markmið 5.1, 5.a, 5.c, 8.5, 11.a, 16.6 og 16.7.
Staða verkefnis
Búið er að jafnréttisrýna stefnumótandi byggðaáætlun fyrir árin 2018-2024. Samhliða endurskoðun byggðaáætlunar fyrir árin 2022-2036 var unnið tilraunaverkefni þar sem hugað var sérstaklega að kynja og jafnréttissjónarmiðum og nýttist verkefnið við það. Byggðaáætlun ríður á vaðið hvað þetta varðar en gert er ráð fyrir því að innan skamms tíma verði það meginregla að samhæfa kynja og jafnréttissjónarmið í allri áætlanagerð ráðuneytisins.
Verkefninu er lokið.
Ábyrgð
Samgöngu- og sveitarstjórnarráðuneytið