Lýsing á aðgerð
Jafnrétti og háskólastöður.
Kannaðar verði ástæður brotthvarfs kvenna úr vísindastarfi og ástæður þess að framgangur karla í vísindum er vanalega meiri en kvenna með því að skoða framgangskerfi háskólanna í samhengi við fjölskylduaðstæður og starfsval. Með hliðsjón af niðurstöðunum verði gerð aðgerðaáætlun til að stemma stigu við brotthvarfi kvenna úr háskólastarfi og vinna í þeim þáttum sem hafa áhrif á framgang út frá kynja- og jafnréttissjónarmiðum.
Tímaáætlun: 2020–2023.
Kostnaðaráætlun: 2 millj. kr.
Ábyrgð: Mennta- og menningarmálaráðuneytið (nú háskóla-, iðnaðar- og nýsköpunarráðuneytið).
Heimsmarkmið Sameinuðu þjóðanna: Styður einkum markmið 5.1, 5.2, 5.4, 5.5, 5.a, 5.b, 5.c, 10.3, og 16.6.
Staða verkefnis
Vinna hófst við við rannsóknina í janúar 2021. Niðurstöður rannsóknarinnar og tillögur til úrbóta voru birtar í skýrslunni Jafnrétti og háskólastöður í janúar 2022. Ekki hefur verið hafist handa við gerð aðgerðaáætlunar til að stemma stigu við brotthvarfi kvenna úr háskólastarfi og vinna í þeim þáttum sem hafa áhrif á framgang út frá kynja- og jafnréttissjónarmiðum.
Verkefnið er komið vel á veg.
Ábyrgð
Mennta- og menningarmálaráðuneytið