Almenn viðskiptamál

Stefnumótun og almenn löggjöf um viðskiptamál er í höndum atvinnuvegaráðuneytis. Þar á meðal eru rafræn viðskipti, félagaréttur, samkeppnismál, faggilding, fjárhagsupplýsingar fyrirtækja, endurskoðendur og endurskoðun, skráning í fyrirtækjaskrá, fjárfesting erlendra aðila í atvinnurekstri og fyrning.

Leiðbeinandi reglur OECD fyrir alþjóðleg fyrirtæki

Atvinnuvegaráðuneytið er tengiliður Íslands (NCP) í tengslum við leiðbeinandi reglur OECD fyrir alþjóðleg fyrirtæki.

Tengiliðir hvers lands (NCPs) aðstoða fyrirtæki og hagsmunaaðila þeirra við að gera viðeigandi ráðstafanir til að efla fylgni við leiðbeiningarnar og vera vettvangur sátta við að leysa mál sem kunna að koma upp við innleiðingu reglnanna.

• Leiðbeinandi reglur OECD fyrir alþjóðleg fyrirtæki
• Leiðbeiningar OECD um áreiðanleikakönnun um ábyrga viðskiptahætti
• Tilmæli OECD um hlutverk stjórnvalda við að stuðla að ábyrgum viðskiptaháttum
• Síðustu ársskýrslur varðandi leiðbeinandi reglur OECD fyrir alþjóðleg fyrirtæki
• Jafningjarýni OECD á NCP á Íslandi 2024
• Myndband um ábyrga viðskiptahætti og leiðbeinandi reglur OECD fyrir fjölþjóðleg fyrirtæki

Allt ofantalið er á ensku.

Leggja fram kvörtun til NCP á Íslandi

Ef þú vilt leggja fram kvörtun til hins íslenska NCP, vinsamlegast sendið hana á netfang ráðuneytisins: [email protected].

Í kvörtuninni þarf eftirfarandi að koma fram: 

• Tengiliðaupplýsingar, s.s. nafn, kennitala, netfang og símanúmer þess sem kvartar.
• Fyrir hönd hvers kvörtunin er lögð fram.
• Nafn, heimilisfang, og aðrar viðeigandi upplýsingar um fyrirtækið, yfirvaldið eða stofnunina er kvörtunin beinist að.
• Rök fyrir kvörtuninni, þar á meðal lýsing á atburðum, framkomu og hlutverki hlutaðeigandi fyrirtækis og tilvísun í þann hluta leiðbeinandi reglna OECD fyrir alþjóðleg fyrirtæki um ábyrga viðskiptahætti sem kvartandi telur fyrirtækið ekki hafa farið eftir.
• Afrit af gögnum sem styðja kvörtunina.

Spurningar má einnig senda á [email protected], til dæmis ef þörf er á aðstoð eða frekari leiðbeiningum varðandi kvörtunarferlið.