Stjórnarráðið |

E. Lög og reglur

Lýsing á aðgerð

Gerðar verði breytingar á reglugerð nr. 941/2002, um hollustuhætti, reglugerð nr. 814/2010, um hollustuhætti á sund- og baðstöðum, og reglugerð nr. 460/2015, um baðstaði í náttúrunni.

Markmið aðgerðarinnar verði að tryggja að tekið sé tilliti til trans fólks og þar á meðal fólks með hlutlausa kynskráningu í ákvæðum sem snúa að aðgengi að salernum og annarri aðstöðu.

Tímaáætlun: 2022–2023.

Ábyrgð: Umhverfis-, orku- og loftslagsráðuneyti.

Kostnaðaráætlun: Rúmist innan fjárheimilda.

Heimsmarkmið Sameinuðu þjóðanna: Markmið 10.2 og 10.3.

Staða verkefnis: Verkefninu er lokið. Sett hefur verið ný reglugerð nr. 903/2024 um hollustuhætti þar sem kveðið er á um að salerni skuli merkja út frá aðstöðu fremur en kyni. Einnig er gerð krafa um að kynhlutlaust salerni sé til staðar ef salernisaðstaða er kynjaskipt. Þá hefur reglugerð nr. 814/2010 verið breytt með það markmið að tryggja að tekið sé tillit til trans fólks og fólks með hlutlausa kynskráningu í ákvæðum sem snúa að aðgengi að salernum og búningsaðstöðu á sund- og baðstöðum. Sú breyting leiddi jafnframt til samsvarandi breytinga á reglugerð nr. 460/2015 um baðstaði í náttúrunni, þar sem hún vísar í ákvæði reglugerðar nr. 814/2010.