Nýr og endurbættur vefur opnaður í apríl 2000
Stjórnvöld hafa í síauknum mæli lagt áherslu á að nýta upplýsingatæknina sem mest, og á það ekki síst við í sambandi við samskipti almennings við stjórnarráð Íslands. Með nýjum vef samgönguráðuneytisins er stigið skref í áttina að því að í gegnum vefinn verði boðið upp á alla almenna þjónustu ráðuneytisins. Starfsfólk ráðuneytisins leggur sig fram við að sinna þeim erindum sem ráðuneytinu berast bæði fljótt og vel. Það á að sjálfsögðu einnig við um erindi sem ráðuneytinu berast í gegnum vefinn, en vissulega eru vonir bundnar við að vefurinn sem slíkur svari á stundum spurningum sem upp koma.
Eitt er víst. Vefur sem þessi á að virka í báðar áttir, og hann á jafnframt að vera lifandi og síbreytilegur. Ein megin reglan í umsýslu vefs sem þessa er að vefurinn er aldrei endanlegur. Hann er sífellt að taka breytingum og sífellt er verið að bæta þar inn nýjum upplýsingum og fréttum.
Með ósk um góð samskipti við gesti á vef samgönguráðuneytisins,
Jakob Falur Garðarsson, aðstoðarmaður ráðherra.