Hoppa yfir valmynd

Alþjóðlegt samstarf

Víðtækt alþjóðlegt samstarf tengist helst samningnum um evrópska efnahagssvæðið og norrænu samstarfi.

Opinbert samstarf Norðurlanda fer fram á vettvangi Norðurlandaráðs og Norrænu ráðherranefndarinnar. Norðurlandaráð er samstarfsvettvangur þingmanna en Norræna ráðherranefndin samstarfsstofnun ríkisstjórna Norðurlanda. Þrátt fyrir að nafnið gefi annað til kynna fer samstarfið fram í mörgum ráðherranefndum. Ráðuneytið tekur þátt í samstarfi á vettvangi Norrænu ráðherranefndarinnar vegna málaflokka ráðuneytisins.

Ein af sjö nefndum norrænu ráðherranefndarinnar (Nordisk Ministerråd) er ráðherranefndin um auðlindamál. Verkefni hennar ná yfir eftirtalin fjögur stefnumótunarsvið: Fiskveiðar og fiskeldi, landbúnað, matvæli og skógrækt.

Meginhlutverk nefndarinnar er að stuðla að sjálfbærri nýtingu náttúru- og erfðaauðlinda, en þær eru undirstaða þess að maðurinn geti lifað á jörðinni.

Nefndin beitir sér fyrir því að skapa traust og tryggja framboð á góðum matvælum, bæta matarræði sem eflir heilsu norræns almennings og þróa þau tækifæri sem leynast í norrænu hráefni og matarmenningu. Mikilvægur þáttur í starfi ráðherranefndarinnar er að styrkja og efla rannsóknir og þróun á sínu sviði.

Fríverslunarsamtök Evrópu (EFTA) Í dag eru aðildarríki Fríverslunarsamtaka Evrópu (European Free Trade Association - EFTA) fjögur: Ísland, Lichtenstein, Noregur og Sviss. EFTA starfar einkum á tveimur sviðum. Annars vegar hafa Ísland, Noregur og Lichtenstein samvinnu við ESB á grundvelli samningsins um Evrópska efnahagssvæðið. Hins vegar starfar EFTA að eflingu fríverslunar við ríki utan ESB.
Vegna aðildar Íslands að EFTA tekur ráðuneytið þátt í samstarfi EFTA þjóðanna á þeim sviðum sem falla undir verkefnasvið ráðuneytisins.

Íslensk stjórnvöld hafa gert tvíhliða samninga um orkumál við nokkrar erlendar þjóðir þar sem megin áhersla er á samstarf á sviði jarðhita.

Sjá einnig:

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum