Utanríkisráðherra skrifar um þróunarsamvinnu
Össur Skarphéðinsson utanríkisráðherra birti í dag kjallaragrein í DV þar sem hann fjallar um þróunarsamvinnu Íslendinga, í tilefni nýrrar þingsályktunartillögu um þróunarsamvinnu á næstu árum. Í greininni segir ráðherra m.a.: "Okkur ber siðferðileg og pólitísk skylda til að leggja af mörkum til að vinna gegn fátækt og hungri í heiminum. Við erum fullvalda ríki, og getum ekki skorast undan þeirri skyldu að taka þátt í alþjóðlegum aðgerðum annarra ríkja heims sem miða að efnahagslegum og félagslegum framförum fátækra þjóða."