Framboð - leiðbeiningar

Framboð skulu tilkynnt til yfirkjörstjórnar þeirrar sem í hlut á eigi síðar en kl. 12 á hádegi 10. september 2021 en yfirkjörstjórn skal auglýsa hvar hún tekur við framboðslistum.

Tilkynningin getur verið undirrituð eigin hendi eða með fullgildri rafrænni undirskrift.

Þegar auglýsing yfirkjörstjórnar hefur verið birt verður unnt að nálgast hana hér.

Gæta skal þess um öll framboð að tilgreina skýrlega nafn frambjóðanda, kennitölu hans, stöðu eða starfsheiti og heimili til þess að enginn vafi geti leikið á því hverjir eru í kjöri.

Á vef landskjörstjórnar eru almennar leiðbeiningar um framsetningu framboðslista, tilkynningu um framboð o.fl. Á vef landskjörstjórnar eru almennar leiðbeiningar um framsetningu framboðslista, tilkynningu um framboð o.fl., sjá: https://www.landskjor.is/leidbeiningar/.

Á framboðslista skulu vera nöfn tvöfalt fleiri frambjóðenda en nemur þingsætum í kjördæminu, hvorki fleiri né færri. Þingsæti eru 63 og skiptast þannig milli kjördæma:

Hverjum framboðslista skal fylgja yfirlýsing allra þeirra sem á listanum eru um að þeir hafi leyft að setja nöfn sín á listann. Yfirlýsing frambjóðenda um að þeir hafi leyft að setja nöfn sín á framboðslista getur verið undirrituð eigin hendi eða með fullgildri rafrænni undirskrift.

Framboðslista skal og fylgja meðmælendalistar þar sem kjósendur í hlutaðeigandi kjördæmi lýsa yfir stuðning við listann og fyrir hvaða stjórnmálasamtök hann er boðinn fram.

• Hér er að finna leiðbeiningar til stjórnmálasamtaka um skil á framboðum.