Sveitarstjórnir
Kjördeildir
Hverju kjördæmi skal skipt í kjördeildir og er hvert sveitarfélag ein kjördeild nema sveitarstjórn ákveði að skipta því í fleiri kjördeildir. Kjördeildir skal að jafnaði kenna við kjörstað eða tölusetja til aðgreiningar.
Kjörstjórnir
Sveitarstjórn kýs undirkjörstjórn í hverja kjördeild, þrjá aðalmenn og þrjá til vara. Einnig geta sveitarstjórnir kosið sérstakar kjörstjórnir, sjá nánar hér:
Kjörskrár
Á kjörskrá skal taka þá sem uppfylla öll kosningarréttarskilyrði á viðmiðunardegi kjörskrár. Sjá nánar um kosningarrétt hér.
Kjörskrá skal rita á eyðublöð sem Þjóðskrá Íslands lætur í té og skal farið nákvæmlega eftir leiðbeiningum hennar. Þjóðskrá Íslands sendir sveitarstjórnum kjörskrárstofn fljótlega eftir viðmiðunardag kjörskrár.
Sveitarstjórnir bera ábyrgð á að kjörskrár séu gerðar og skal gerð þeirra lokið í tæka tíð fyrir framlagningu. Kjörskrá skal undirrituð af oddvita sveitarstjórnar eða framkvæmdastjóra hennar. Kjörskrá skal leggja fram almenningi til sýnis á skrifstofu sveitarstjórnar eða á öðrum hentugum stað eigi síðar en tíu dögum fyrir kjördag. Sveitarstjórn skal auglýsa hvar kjörskrá liggur frammi á þann hátt á hverjum stað sem venja er þar að birta opinberar auglýsingar.
Sjá nánar um skyldu sveitarstjórna varðandi kjörskrá á eftirfarandi hlekk:
Kjörstaðir
Sveitarfélög auglýsa kjörstaði við alþingiskosningar. Mörg þeirra birta einnig kjörfundarupplýsingar á vefjum sínum. Kjörstaðir eru almennt opnir frá kl. 9 árdegis til kl. 22 að kvöldi. Þó geta kjörstjórnir ákveðið að byrja síðar og hætta fyrr. Dómsmálaráðuneytið safnar upplýsingum um kjörstaði um allt land og birtir hér á vefnum nokkrum dögum fyrir kjördag eftir því sem þær hafa borist. Þá má yfirleitt nálgast þessar upplýsingar á vef viðkomandi sveitarfélags.
Framkvæmd alþingiskosninga 2021
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.