Stjórnarhættir hafa lítið breyst í Afríku síðasta áratuginn
Hvað er Mo Ibrahim vísitalan? Stjórnarhættir í Afríkuríkjum hafa lítið breyst síðustu tíu árin. Þetta er niðurstaða viðamikillar könnunar á vegum stofnunar
Mo Ibrahim sem hefur um langt árabil rýnt í góða og vonda stjórnsýslu í
álfunni. Á 100 stiga mælikvarða - svokölluðum Ibrahim Index of African
Governance - hafa stjórnarhættir 54 ríkja álfunnar aðeins þokast upp um
eitt stig á einum áratug.
Þótt meðaltalið hafi lítíð breyst hafa einstök
ríki verið ofarlega á þessari vísitölu um langt árabil, eyjan Máritíus á
Indlandshafi hefur verið í efsta sæti árum saman og Botsvana,
Grænhöfðaeyjar, Seychelleseyjar, Namibía og Suður-Afríka fylgja þar á
eftir.
Mestu framfarirnar á síðasta ári voru á Fílabeinsströndinni. Í neðstu sætum vísitölunnar í ár eru hins vegar Sómalíla, Suður-Súdan, Miðafríkulýðveldið og Líbía.
Skortur á öryggi og hnignun réttaríkisins draga
flest löndin niður, segir í niðurstöðum könnunarinnar. Þar segir
ennfremur að jákvæð þróun hafi orðið á síðasta áratug hvað útbreiðslu
farsíma og Internetsins áhrærir en meðal þess neikvæða er nefnt að
aðgengi að rafmagni hafi minnkað frá árinu 2006.
Africa's Governments Improve Slightly, Survey Finds/ VOA
Rule of law declines for 70% of Africans over past decade, warns Ibrahim index/ TheGuardian