Öðruvísi jóladagatal
Í desember bjóða SOS Barnaþorpin nemendum í 1. - 7. bekk grunnskóla að taka þátt í verkefninu Öðruvísi jóladagatal en þetta er í annað sinn sem verkefnið fer fram. Öðruvísi jóladagatal færir athyglina frá því að þiggja yfir í að gefa en nemendur horfa á eitt stutt myndband á dag, dagana 4.-15. desember, þar sem þeir kynnast lífi barna frá ýmsum löndum. Með myndböndunum fylgja upplýsingar fyrir kennara og hugmyndir að umræðuspurningum.