Hoppa yfir valmynd

Fjármögnun

Nýsköpunarsjóður atvinnulífsins 

Hlutverk Nýsköpunarsjóðs atvinnulífsins er að stuðla að uppbyggingu og  vexti íslensks atvinnulífs með því að taka þátt í fjárfestingum í sprota- og nýsköpunarfyrirtækjum.

Tækniþróunarsjóður

Hlutverk Tækniþróunarsjóðs er að styðja þróunarstarf og rannsóknir á sviði tækniþróunar sem miða að nýsköpun í íslensku atvinnulífi. Fjármögnun og ábyrgð sjóðsins er í höndum Atvinnu-og nýsköpunarráðuneytisins en umsýsla sjóðsins er í höndum Rannsóknamiðstöðvar Íslands (Rannís) við ráðuneytið.

Átak til atvinnusköpunar

Átak til atvinnusköpunar er styrkáætlun fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með umsóknarferlinu.

AVS

AVS rannsóknasjóður veitir styrki til rannsókn- og þróunararverkefna, sem auka verðmæti sjávarfangs. Styrkir eru veittir til verkefna sem taka á öllum þáttum sjávarútvegs og fiskeldis.

Framleiðnisjóður atvinnulífsins

Framleiðnisjóður landbúnaðarins veitir styrki til þróunar og nýsköpunarstarfs  í landbúnaði m.a með

  • Stuðningi við rannsóknarstarf og aðra þekkingaröflun í greininni.
  • Stuðningi við nýsköpunar- og þróunarstarf í greininni.
  • Stuðningi við sérstakt orkuátak í greininni, sem ætlað verði að bæta orkunýtingu og auka hlut innlendrar orku til landbúnaðarnota.
  • Stuðningi við sérstakt átak til að efla og bæta búrekstur. Því verði m.a. ætlað að auka framleiðni, bæta afkomu, stuðla að fjölþættari nýtingu bújarða og fjölga atvinnutækifærum.

Þá veitir sjóðurinn styrki til fræðslumála og í einhverjum tilvikum til viðfangsefna á sviði orkumála.

Orkusjóður

Orkusjóður hefur það hlutverk að stuðlaað hagkvæmri nýtingu orkulinda landsins með styrkjum eða lánum, einkum til aðgerða er miða að því að draga úr notkun jarðefnaeldsneytis. Orkusjóður er samkeppnissjóður. Styrkumsóknir eru metnar út frá hlutverki og tilgangi sjóðsins og þeim áhersluatriðum sem fram koma í auglýsingum um styrki hverju sinni.

Byggðastofnun

Byggðastofnun veitir langtímalán til fjárfestinga, hagræðingar og fjárhagslegrar endurskipulagningar fyrirtækja á starfssvæði stofnunarinnar. Lánastarfsemi Byggðastofnunar er valkostur í fjármögnun sem stuðlar að hagstæðum lánskjörum og lánsframboði fyrir lítil og meðalstór fyrirtæki í landsbyggðunum. Sérstök athygli er vakin á lánaflokki til stuðnings atvinnurekstri kvenna á  landsbyggðunum og lánum til jarðakaupa/kynslóðaskipta í landbúnaði í því skyni að styðja við nýliðun, nýsköpun og framþróun í greininni.

Svanni

Svanni Lánatryggingasjóður kvenna. Meginmarkmið sjóðsins er að styðja konur til nýsköpunar í atvinnulífi með því að veita ábyrgðir á allt að helming lána sem tekin eru lánastofnun til að fjármagna tiltekið verkefni.

Sprotasjóður

Sprotasjóður er sameiginlegur sjóður fyrir leik-, grunn-og framhaldsskóla og styður við þróun og nýjungar í skólastarfi í samræmi við stefnu stjórnvalda og aðalnámskrá.

Atvinnumál kvenna

Sjóðurinn Atvinnumál kvenna veitir styrki til atvinnuþróunarverkefna kvenna víðsvegar um landið. Styrkirnir eru veittir af Félagsmálaráðuneytinu en það er Vinnumálastofnun sem að hefur vistað verkefnið hin síðustu ár.

Uppbyggingasjóðir landshlutanna

Uppbyggingasjóðir landshlutanna eru hluti Sóknaráætlana landshluta sem eru þróunaráætlanir og fela í sér stöðumat, framtíðarsýn, markmið og aðgerðir til að ná þeim markmiðum. Forgangsröðun verkefna í hverjum landshluta byggir á sóknaráætlun hans. Þannig er fjármunum sem varið er til verkefna á sviði atvinnu-, byggða- og menningarmála ráðstafað af heimamönnum samkvæmt áherslum sem mótaðar hafa verið af breiðum hópi þeirra. Sóknaráætlunum er ætlað að stuðla að jákvæðri samfélagsþróun, treysta stoðir menningar og auka samkeppnishæfni hvers landshluta sem og landsins alls. Samkvæmt gildandi samningum um sóknaráætlanir landshluta renna framlög ríkisins annars vegar til uppbyggingar sjóða og hins vegar til áhersluverkefna. Ábyrgð og utanumhald uppbyggingasjóðanna er í höndum átta landshlutasamtaka sveitarfélaga.

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Yfirlit

Hafa samband

Ábending / fyrirspurn


Þessi síða notar vafrakökur Lesa meira