Viðurkenndir bókarar

Samkvæmt bókhaldslögum geta þeir einir sem teknir hafa verið á skrá sem atvinnuvegaráðuneyti heldur kallað sig viðurkennda bókara. Sá sem óskar að fá viðurkenningu sem bókari og tekin er á skrána skal fullnægja eftirfarandi skilyrðum:

1. Vera heimilisfastur hér á landi.
2. Vera lögráða og hafa forræði á búi sínu.
3. Hafa staðist próf til viðurkenningar skv. reglugerð nr. 649/2019 um námskeið og próf fyrir viðurkennda bókara.
   
   

Auglýsing um skráningu og próf til viðurkenningar bókara

Með vísan til laga nr. 145/1994 um bókhald, er fyrirhugað að halda próf til viðurkenningar bókara 2022 sem hér segir:

• Prófhluti I: Reikningshald og upplýsingatækni fimmtudaginn 13. október 2022 – prófið hefst kl. 13 og stendur til kl. 16. Eindagi greiðslu prófgjalds er 3. október 2022.
• Prófhluti II: Skattskil mánudaginn 21. nóvember 2022 – prófið hefst kl. 13 og stendur til kl. 16. Eindagi greiðslu prófgjalds er 3. nóvember 2022.
• Prófhluti III: Raunhæft verkefni laugardaginn 10. desember 2022 – prófið hefst kl. 12 og stendur til kl. 17. Eindagi greiðslu prófgjalds er 1. desember 2022.

Skráningu í öll próf fer fram samtímis (allir prófhlutar) og lýkur þann 6. september 2022. 

Á vef Promennt fer fram skráning í prófin

Skiptir ekki máli hvort próftaki ætlar að taka eitt próf eða öll. Ekki er hægt að skrá sig í próf eftir að skráningarfresti lýkur. Próftakar bera sjálfir ábyrgð á því að skrá sig í próf. Öllum er frjálst að skrá sig í próf. Þeir sem skrá sig í próf haustið 2022 eða síðar verða að hafa lokið prófum í öllum prófhlutum haustið 2023 og í upptökuprófum eigi síðar en í janúar/febrúar 2024.

Um efnissvið prófanna vísast til 3. gr. reglugerðar nr. 1101/2021 um próf til viðurkenningar bókara og til prófefnislýsingar prófnefndar viðurkenndra bókara. Prófin eru rafræn og eru öll gögn leyfileg. Prófefnislýsinguna má nálgast á vefsvæði prófnefndar viðurkenndra bókara.

Einkunnir í einstökum prófum eru gefnar í heilum og hálfum tölum frá 0-10. Lágmarkseinkunn til að standast einstaka prófhluta er 5,0. Til þess að standast fullnaðarpróf þarf próftaki að hljóta a.m.k. 7,00 í vegna meðaleinkunn (lokaeinkunn) úr öllum prófhlutum.

Á vef Promennt fer fram skráning í prófin

Próftökugjald fyrir hvert próf er kr. 47.500. Eigi er skylt að standa fyrir prófi nema a.m.k. 30 þátttakendur hafi skráð sig í próf. Ef próftökugjald er ekki greitt á eindaga þá fellur niður próftökuréttur. 

Við skráningu skal staðfest að fullnægt sé skilyrðum um að próftaki sé lögráða og hafi forræði á búi sínu (að búið hafi ekki verið tekið til gjaldþrotaskipta). 

Væntanlegir próftakar skulu skrá sig til prófs á vef framkvæmdaraðila prófanna www.promennt.is.

Reykjavík, 1. júlí 2022

Prófnefnd viðurkenndra bókara

Prófnefnd viðurkenndra bókara

Prófnefnd bókara er skipuð af ráðherra menningar- og viðskiptaráðherra til fjögurra ára í senn. Prófnefnd hefur umsjón með prófi til viðurkenningar bókara.

Skipan prófnefndar viðurkenndra bókara 2019-2023

• Elva Ósk S. Wiium, lögmaður, formaður
• Magdalena Lára Gestsdóttir, viðurkenndur bókari
• Einar Guðbjartsson, dósent við félagsvísindasvið viðskiptafræðideild Háskóla Íslands

Netfang prófnefndar: [email protected].

Póstfang prófnefndar:

    Prófnefnd viðurkenndra bókara

    b.t. Menningar- og viðskiptaráðuneytið

    Sölvhólsgötu 7

    101 Reykjavík