Hoppa yfir valmynd

Réttindi til áframhaldandi búsetu og dvalar í Bretlandi eftir 31.12.2020

Allir íslenskir ríkisborgarar búsettir í Bretlandi, sem ætla að búa áfram í Bretlandi eftir lok aðlögunartímabilsins 31. desember 2020 þurfa að staðfesta rétt sinn í gegnum sérstakt skráningarkerfi breskra stjórnvalda.*

Hér að neðan eru upplýsingar um stöðu fólks miðað við mismunandi aðstæður. Breska innanríkisráðuneytið starfrækir einnig símaver sem svarar spurningum frá ríkisborgurum ESB- og EES-ríkja varðandi skráningarferlið.

Upplýsingasími breska innanríkisráðuneytisins (e. EU Settlement Resolution Centre) er (+44) 0300 123 7379. Svarað er í símann mánudaga til föstudaga frá kl. 8:00 til 20:00 og um helgar frá kl. 9:30 til 16:30.

Samkvæmt breskum lögum er íslenskum stjórnvöldum eða sendiráði Íslands í London óheimilt að veita ráðgjöf í einstökum málum. Upplýsingar um aðila sem mega veita sérstaka ráðgjöf er að finna á eftirfarandi vefslóð: https://www.gov.uk/find-an-immigration-adviser

*Íslendingar sem hafa ILR stöðu í Bretlandi (e. Indefinite Leave to Remain) eru ekki skyldugir til að sækja um en er þó ráðlagt að kynna sér ,,settled status“ sem gæti veitt víðtækari réttindi en ILR. 

Býrð þú í Bretlandi?

Réttindi þeirra EES-ríkisborgara sem flytjast til Bretlands fyrir 1. janúar 2021 til áframhaldandi búsetu eru tryggð að því gefnu að þeir:

  • sæki rafrænt um ,,settled status“ (hafi þeir verið búsettir í Bretlandi í minnst fimm ár þegar sótt er um) eða,
  • sæki rafrænt um ,,pre-settled status" (hafi þeir verið búsettir í Bretlandi skemur en fimm ár).

Fimm ára búseta telst búseta í a.m.k. sex mánuði á hverju 12 mánaða tímabili í minnst fimm ár í röð, en undanþágur kunna að eiga við.

Þeir sem fá skráðan ,,pre-settled status“ geta síðar sótt um ,,settled status“ þegar fimm ára búsetuskilyrði er uppfyllt.

Sjá frekari upplýsingar varðandi skráningu fjölskyldumeðlima sem ekki eru EES-ríkisborgarar á vef breska innanríkisráðuneytisins.

Umsóknarfrestur rennur út þann 30. júní 2021 fyrir EES-ríkisborgara sem flytjast til Bretlands fyrir 1. janúar 2021 en fólk er engu að síður hvatt til að sækja um fyrir áramót 2020/21 til að tryggja réttindi sín í Bretlandi sé þess kostur. 

Sjá nánar á vef breska innanríkisráðuneytisins á eftirfarandi vefslóð: https://www.gov.uk/settled-status-eu-citizens-families

Ef þú ert í vafa um þína stöðu eða hvaða aðgerða er krafist má nálgast spurningalista og svör á vefsíðu breskra stjórnvalda á eftirfarandi vefslóð: https://www.gov.uk/staying-uk-eu-citizen

Hyggst þú heimsækja Bretland?

EES-ríkisborgurum er frjálst að heimsækja Bretland án vegabréfsáritunar til 31. desember 2020. Frá 1. janúar 2021 verður jafnframt heimilt að heimsækja Bretland án vegabréfsáritunar, sjá nánari upplýsingar á eftirfarandi vefslóð: https://www.gov.uk/guidance/visiting-the-uk-from-1-january-2021  

Athuga skal að sem sakir standa mun evrópska sjúkratryggingakortið ekki gilda lengur í Bretlandi eftir 31. desember 2020. Þetta á einnig við um farþega sem eingöngu millilenda í Bretlandi. Fólk er því hvatt til að gæta vel að öðrum ferðatryggingum.

Hyggst þú flytja til Bretlands eftir 31. desember 2020? 

Íslenskir ríkisborgarar og aðrir EES-ríkisborgarar sem vilja flytja til Bretlands eftir 1. janúar 2021 munu hlíta sömu reglum og ríkisborgarar annarra ríkja, þ.e. ekki njóta neinna sérkjara sem ríkisborgarar EES-ríkja. Þeir sem hyggjast setjast að og sækja nám eða vinnu munu þannig þurfa til þess vegabréfsáritun og uppfylla ákveðin skilyrði.

Upplýsingar um nýtt innflytjendakerfi sem tekur við í Bretlandi eftir lok aðlögunartímabilsins 31. desember 2020 er að finna á eftirfarandi vefslóð: https://www.gov.uk/guidance/new-immigration-system-what-you-need-to-know

Réttindi Íslendinga til búsetu í Bretlandi

 
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira