Ferðakostnaður vegna ferðalaga á vegum ríkisins

Akstursgjaldinu er ætlað að meta bæði rekstrarkostnað og fyrningu ökutækja, niður á ekinn kílómeter.

• Stuðst er við meðalkostnað bifreiða til fyrningar og miðað er við að akstur á ári sé 15.000 km. Rekstrarkostnaður er uppreiknaður miðað við viðeigandi vísitölu.
• Ekki er gerður greinamunur á því hvort ekið sé á rafmagnsbifreið eða bifreið sem gengur fyrir jarðefnaeldsneyti. Með vaxandi rafbílaeign hér á landi gæti það þó breyst og forsendur útreikninga tekið mið af því.

Akstursgjaldi er ekki ætlað að standa undir kostnaði við vegna ferða milli heimilis og vinnustaðar.

Sjá einnig:

• Reglugerð nr. 1281/2014 um bifreiðamál ríkisins
• Um framkvæmd reglugerðar nr. 580/1991 um bifreiðamál ríkisins (PDF) 
• Ökutækjastyrkur á vef Skattsins

Meginreglan er að greitt sé eftir útlögðum kostnaði í samráði við vinnuveitanda. 

• Ferðakostnaður innanlands er reiknaður út frá verðkönnun. Kannað er verð á algengum gististöðum, jafnmörgum á höfuðborgarsvæðinu og utan þess og fundið meðaltal.
• Fæðiskostnaður er uppreiknaður miðað við breytingar á viðeigandi vísitölu sem útgefin er af Hagstofu Íslands.
• Almennt er ferðakostnaði innanlands breytt tvisvar sinnum á ári, að vori og að hausti, til þess að endurspegla árstíðarsveiflu í kostnaði gistingar.

Dagpeningum er ætlað að standa undir útlögðum kostnaði starfsmanns sem hlýst af fjarveru frá heimili vegna vinnu.

Reiknaður er fjöldi gistinátta sem þarf að greiða fyrir og fjöldi daga sem þarf að greiða fyrir uppihald.

Fjárhæðin í SDR-einingum fer einnig eftir því hversu kostnaðarsamt svæðið er sem dvalið er á. SDR er skammstöfun á reiknieiningu sem Alþjóðagjaldeyrissjóðurinn notar og er reiknað út frá gengiskörfu gjaldmiðla sem helst eru notaðir í milliríkjaviðskiptum. 

• Fjárhæðin í krónum fer eftir SDR gengi Seðlabanka Íslands á útgreiðsludegi dagpeninga. 

Hvernig eru dagar taldir vegna ferðakostnaðar erlendis?

• Dæmi: Ef flogið er til útlanda á mánudegi og heim á miðvikudegi þá  greiðast dagpeningar vegna þriggja daga og tveggja gistinátta.

Ferðadagar eru þeir að hámarki tveir í hverri ferð, þ.e. brottfarardagur og komudagur.

• Dæmi: Þegar ferðast er til Bandaríkjanna í morgunflugi á mánudegi og aftur heim í næturflugi á miðvikudegi þá greiðast dagpeningar vegna þriggja daga og tveggja gistinátta. 
• Brottfarardagur telst sem ferðadagur. Þannig er ekki greitt fyrir aukadag þrátt fyrir að lent sé að morgni næsta dags.
• Þegar ekki þarf að greiða kostnað við gistingu, t.d. vegna þess að starfsmaður er um borð í flugvél, þá skulu ekki greiddir dagpeningar vegna gistingar.

Hvað ræður flokkun borga/landa í flokk 1-4?

Kostnaður við gistingu og uppihald er breytilegur á milli borga og er reynt að koma til móts við það með flokkun svæða í flokka 1-4. Þessi flokkun getur tekið breytingum.

• Viðmiðunarfjárhæðir í útreikningi erlendra dagpeninga (maí 2021) (PDF)

Er greitt sérstaklega fyrir kostnað vegna ferðalaga til og frá flugvelli?

Almennt er dagpeningum ætlað að standa undir öllum venjulegum ferðakostnaði öðrum en fargjöldum, þar með talið kostnaði til og frá flugvelli.

Hvaða reglur gilda um punktasöfnun á ferðalögum ríkisstarfsmanna?

Ekki er gert ráð fyrir því að ríkisstarfsmenn sæki sér vildarpunkta eða önnur fríðindi vegna ferðalaga á vegum ríkisins. Um vildarkjör og önnur fríðindi er fjallað í 9. grein reglna um greiðslu ferðakostnaðar vegna ferðalaga á vegum ríkisins.

• Þar segir: „Fríðindi og hvers kyns vildarkjör sem aflað er við greiðslu á farmiða skulu eingöngu koma þeim ríkisaðila sem greiðir farmiðann til góða.“