Lýsing á aðgerð

Unnið verði fræðsluefni um stöðu hinsegin barna og ungmenna í íþrótta-, tómstunda- og æskulýðsstarfi, auk þess sem útbúnar verði leiðbeiningar fyrir þá sem bera ábyrgð á slíku starfi. Tekið verði mið af þörfum ólíkra hópa í skipulögðu íþrótta-, tómstunda- og æskulýðsstarfi. Aðilar sem bera ábyrgð á starfseminni setji sér jafnréttisstefnu sem taki til þátttöku og aðgengis hinsegin barna og ungmenna að íþrótta-, tómstunda- og æskulýðsstarfi.

Markmiðið verði að tryggja þátttöku og aðgengi hinsegin barna og ungmenna að íþrótta-, tómstunda- og æskulýðsstarfi.

    Tímaáætlun: 2022–2023.

    Ábyrgð: Mennta- og barnamálaráðuneyti.

    Kostnaðaráætlun: Rúmist innan fjárheimilda.

Heimsmarkmið Sameinuðu þjóðanna: Markmið 10.2 og 10.3.

Staða verkefnis:

Unnið hefur verið nýtt fræðsluefni og leiðbeiningar fyrir starfsfólk og sjálfboðaliða í íþrótta-, tómstunda- og æskulýsðsstarfi í samstarfi við Samtökin 78 og var það kynnt og gefið út í október 2024. Efnið er í formi þriggja myndskreyttra bæklinga sem bera yfirskriftina: Stöðvum fordóma og mismunun, Sýnilegur stuðningur  og  Aðstaða og mót. Auk þess voru gefin út tvö veggspjöld sem fjalla um Vítahring fordóma í íþróttum og Hvernig byggjast fordómar upp.    

Ábyrgð

Mennta- og barnamálaráðuneytið

Lokið