Hoppa yfir valmynd

Staðfesting/stimplun skjala

Apostille vottun

Apostille er formleg staðfesting á lögmæti skjala sem nota á erlendis. Apostille vottun felur í sér staðfestingu á að undirskrift og stimpill séu sannanlega útgefin eða vottuð af til þess bæru íslensku stjórnvaldi.

Utanríkisráðuneytið sér um að apostille votta skjöl sem gefin eru út af íslenskum stjórnvaldi. Athugað er hvort að undirskrift og stimpill á skjali séu ósvikin. Lögmæti skjalsins er staðfest (apostille vottað) með því að festa skjal, stimplað af utanríkisráðuneytinu við skjalið.

Athygli er vakin á því að apostille vottun utanríkisráðuneytisins felur ekki í sér efnislega staðfestingu á innihaldi skjalsins.

Hvaða skjöl er hægt að staðfesta með Apostille vottun?

Einungis er hægt að staðfesta

  • Frumrit skjals sem er undirritað og stimplað af íslensku stjórnvaldi.
  • Íslensk skjöl sem hafa verið lögbókandavottuð (notarius publicus) hjá sýslumanni (þ.m.t. afrit opinberra skjala).

Hvað það kostar

Hver staðfesting kostar 2.500 kr.

Póstsending skjala kostar 2.000 kr. Ef skjölin óskast póstsend frá ráðuneytinu þarf að senda upplýsingar um nákvæmt heimilisfang viðtakanda.

  • Greiða þarf fyrirfram og er ekki tekið við reiðufé. Eftirfarandi greiðsluleiðir eru í boði:
  1. Millifærsla í banka. Reikningsnúmer: 0303-26-269, kt. 670269-4779. Kvittun skal senda á [email protected] og nafn á vottorði í skýringu.
  2. Með greiðslukorti í anddyri ráðuneytis. Strimill úr posa fylgi með skjölunum.
  3. Símgreiðslu. Í síma 5457340 milli klukkan 08:30-16:00.

Hvað tekur það langan tíma

Skjölin eru tilbúin til afhendingar tveimur dögum eftir móttöku.

Hvað þarft þú að gera?

Fylla út beiðni um apostille vottun í móttöku utanríkisráðuneytsins eða senda beiðni með tölvupósti á netfangið: [email protected]

Í beiðninni þarf að koma fram:

  • Nafn og símanúmer/tölvupóstur tengiliðs sem biður um staðfestingu
  • Nafn á vottorði, ef við á
  • Í hvaða landi á að nota skjölin.
  • Fjöldi þeirra skjala sem óskast staðfest.

Athygli er vakin á því að séu skjöl send með pósti til apostille vottunar hjá utanríkisráðuneytinu þarf beiðni að fylgja með.

Þá er einnig vakin athygli á því að geri viðtakandi skjalanna kröfu um að þau séu þýdd á tungumál viðtökuríkis þarf að:

  • Fá skjalið þýtt hjá löggiltum skjalaþýðanda hérlendis (sjá lista á island.is)
  • Fá þýðinguna vottaða af sýslumanni
  • Því næst fá staðfestingu hjá utanríkisráðuneytinu á gildi skjalanna.

Sjá einnig:

Síðast uppfært: 3.12.2021
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Yfirlit

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira