Samstarf við félagasamtök

Utanríkisráðuneytið hefur um árabil átt í góðu samstarfi við félagasamtök á sviði þróunarsamvinnu og mannúðaraðstoðar og hefur fjölbreytni verkefna aukist mjög á undanförnum árum. Félagasamtök eru mikilvægir samstarfsaðilar í þróunarsamvinnu einkum vegna nálægðar sinnar við grasrótina og þar sem þau hafa oftar en ekki gott aðgengi til að beita sér á vettvangi þar sem átök eru til staðar og aðgengi erfitt eða takmarkað.

Unnið er í samræmi við eftirfarandi lykil stefnur og skjöl:

• Stefnu Íslands um alþjóðlega þróunarsamvinnu
• Stefnumið hvað varðar samstarf við félagasamtök
• Tilmæli OECD-DAC varðandi samstarf við borgarasamfélagið

Áherslur í samstarfi við félagasamtök

Áherslumál í samstarfi við félagasamtök eru í takt við markmiðum stefnu Íslands um alþjóðlega þróunarsamvinnu: að draga úr fátækt (heimsmarkmið nr. 1) og hungri (heimsmarkmið nr. 2) og stuðla að almennri velferð á grundvelli mannréttinda, kynjajafnréttis og sjálfbærrar þróunar. Samstarf við félagasamtök skal taka mið af þróunarsamvinnustefnu Íslands og heimsmarkmiðum Sameinuðu þjóðanna. Einnig er lögð áhersla á fjölbreytni og nýsköpun í verkefnum.

Hluti af samstarfi við félagasamtök er að almenningur sé vel upplýstur og veiti alþjóðlegri þróunarsamvinnu Íslands stuðning og aðhald, setji fram hugmyndir og taki þannig þátt í að vísa veginn.

Styrkir til félagasamtaka

Undir hatti samstarfs við félagasamtök bíður utanríkisráðuneytið uppá styrkveitingar til þróunarsamvinnuverkefna, þ.m.t. styttri verkefna, nýliðaverkefna og langtíma verkefna. Einnig geta félög sótt um kynningar- og fræðslustyrki.  Styrkir til félagasamtaka til mannúðaraðstoðar eru bundnir í rammasamninga og ekki auglýstir sérstaklega. 

• Nánari upplýsingar á umsóknarsíðu vegna styrkja til félagasamtaka.

Verkefni félagasamtaka

Verkefni félagasamtaka og yfirlit yfir stuðning má finna á www.openaid.is