Hoppa yfir valmynd

Aðlögun flóttafólks

Tekið hefur verið á móti hópum flóttafólks allt frá árinu 1956, og hafa alls komið til landsins 597 einstaklingur. Flóttamannaráð Íslands var stofnað árið 1995. Ný stefna var þá tekin upp við móttöku flóttafólks og hafin samvinna við einstök sveitarfélög sem hafa tekið að sér móttöku við fólkið og aðstoð við það fyrsta árið. Frá þeim tíma hefur verið tekið reglulega á móti hópum fólks og verkefnið unnið í samstarfi við Rauða kross Íslands og deildir Rauða krossins í viðkomandi sveitarfélagi. Velferðarráðuneytið semur annars vegar við sveitarfélagið og hins vegar við Rauða kross Íslands um aðstoð við hvern hóp, en alls hafa komið til landsins með þessum hætti 380 einstaklingar. Ákvörðun um móttöku hópa er tekin af ríkisstjórn Íslands hverju sinni. Ákvörðun um móttöku hópa er ævinlega unnin í nánu samráði við Flóttamannastofnun Sameinuðu þjóðanna (UNHCR) og byggt er á gögnum frá stofnuninni. Innflytjendaráð var stofnað á árinu 2005 og samhliða nefnd um flóttafólk sem hefur tekið við hlutverki flóttamannaráðs sem lagt hefur verið niður.

Flóttamannanefnd

Flóttamannanefnd er skilgreind í lögum um útlendinga, nr. 80/2016.

Hlutverk flóttamannanefndar er m.a. að leggja til við ríkisstjórn heildarstefnu og skipulag móttöku flóttamannahópa skv. 43. gr., hafa yfirumsjón með móttöku hópa flóttafólks.  Ákvörðun um móttöku hópa er tekin af ríkisstjórn Íslands hverju sinni. Ákvörðun um móttöku hópa er ævinlega unnin í nánu samráði við Flóttamannastofnun Sameinuðu þjóðanna (UNHCR) og byggt er á gögnum frá stofnuninni.

Flóttamannanefnd veittir stjórnvöldum umsögn um einstök tilvik eftir því sem óskað er. Flóttamannanefnd gerir ríkisstjórninni árlega grein fyrir störfum sínum og leggur ráðuneyti félagsmála nefndinni til starfsmann.

Ráðherra sem fer með félagsmál skipar flóttamannanefnd til fimm ára í senn.

Innflytjendaráð

Innflytjendaráð er skipað af ráðherra sem fer með málefni innflytjenda. Það skal vera stjórnvöldum til ráðgjafar við stefnumótun í málaflokknum og fjallar um helstu atriði sem snerta aðlögun útlendinga að íslensku samfélagi.

Fjölmenningarsetur

Fjölmenningarsetur er stofnun sem hefur m.a. það hlutverk að:

  1. veita stjórnvöldum, stofnunum, fyrirtækjum, félögum og einstaklingum ráðgjöf og upplýsingar í tengslum við málefni innflytjenda,
  2. vera sveitarfélögum til ráðgjafar við að taka á móti innflytjendum sem flytjast í sveitarfélagið,
  3. taka saman og miðla upplýsingum um réttindi og skyldur innflytjenda

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira