Fundur Velferðarvaktarinnar 12. mars 2019
30. fundur Velferðarvaktarinnar
Haldinn í félagsmálaráðuneytinu 12. mars 2019 kl. 9.00-12.00.
Viðstaddir: Siv Friðleifsdóttir, formaður, Þórdís Viborg frá ÖBÍ, Salbjörg Bjarnadóttir frá Embætti landlæknis, Kristjana Gunnarsdóttir frá Reykjavíkurborg, Sigþrúður Guðmundsdóttir frá Samtökum um kvennaathvarf, Salvör Nordal, umboðsmaður barna, Eðvald Einar Stefánsson frá umboðsmanni barna, Guðríður Bolladóttir frá umboðsmanni barna, Angelique Kelley frá W.O.M.E.N., Margrét Júlía Rafnsdóttir frá Barnaheillum, Margrét Steinarsdóttir frá Mannréttindaskrifsstofu Íslands, Ásta B. Helgadóttir frá Umboðsmanni skuldara, Sara Jasonardóttir frá Umboðsmanni skuldara, Björg Kjartansdóttir frá Rauða krossinum á Íslandi, Sigrún Edda Eðvarðsdóttir frá Heimili og skóla, Bryndís Snæbjörnsdóttir frá Þroskahjálp, Björgvin Björgvinsson frá Þroskahjálp, Andrea Ósk Sigurbjörnsdóttir frá Þroskahjálp, Hrafnhildur Tómasdóttir frá Vinnumálastofnun, Vilborg Oddsdóttir frá Hjálparstarfi kirkjunnar, Lilja Gísladóttir frá Hjálparstarfi kirkjunnar og Lovísa Lilliendahl frá félagsmálaráðuneytinu.
---
1. Niðurstöður könnunar um skólasókn/skólaforðun
Birgir Rafn Baldursson, frá Maskínu, kynnti niðurstöður könnunar Velferðarvaktar um skólasókn-skólaforðun. Í framhaldinu var samþykkt að Velferðarvaktin myndi leggja fram eftirfarandi tillögur til stjórnvalda:
- Sett verði af stað vinna sem miði að því að setja opinber viðmið um skólasókn á Íslandi og/eða auka heimildir skólastjórnenda til að hafna leyfisóskum foreldra. Í því sambandi má líta til reglna sem nágrannalönd okkar hafa sett.
- Ýtt verði undir viðhorfsbreytingu meðal foreldra um að borin sé virðing fyrir skólasókn barna.
- Sett verði af stað vinna með það að markmiði að fyrirbyggja skólaforðun og koma til móts við þau börn sem glíma við hana með auknum stuðningi og úrræðum og innan skóla i samstarfi við heilbrigðis- og félagsþjónustu.
- Sett verði af stað vinna til að samræma fjarvistaskráningu um allt land til að mögulegt verið að fylgjast meðumfangi skólaforðunar á hverjum tíma
Lagt er til að Samband íslenskra sveitarfélaga, mennta- og menningarmálaráðherra, heilbrigðisráðherra og félags- og barnamálaráðherra setji af stað formlegan starfshóp sem fjalli um ofangreindar tillögur.
Starfshópurinn verði í góðu samstarfi við m.a. Skólastjórafélag Íslands, Kennarasamband Íslands, heilsugæsluna, Embætti landlæknis, Barnaverndarstofu, Umboðsmann barna og frjáls félagasamtök sem koma að málefnum barna og skólanna s.s. Heimili og skóli, Barnaheill, UNICEF og fleiri.
2. Tíu ára afmæli Velferðarvaktarinnar
Lára Björnsdóttir, fyrsti formaður Velferðarvaktar, lýsti fyrstu starfsárum Velferðarvaktarinnar, sókn og vörn.
https://www.frettabladid.is/skodun/velferarvaktin-1
3. Skýrsla um lífskjör og fátækt barna á Íslandi 2004-2016
Skýrsla Kolbeins Stefánssonar um lífskjör og fátækt barna hefur verið birt. Samþykkt var að frekari umræða um skýrsluna yrði, til að byrja með, tekin upp í undirhópum Velferðarvaktarinnar.
4. Ráðstefna um ungt fólk og lántökur
Ásta S. Helgadóttir, Umboðsmaður skuldara, kynnti fyrirhugaða ráðstefnu varðandi ungt fólk og lántökur, þar sem sjónum verður einkum beint að svokölluðum skyndilánum.
Ekki meira rætt og fundi slitið/LL.